Jeremia 2:18 - Iaai Bible 1901 (New Caledonia)

¹⁸ Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 2:18 ပူးပေါင်းရင်းမြစ်များ

II. Man Ûlabainy Je Than. 28:16

Ke haba hnyi ûen eling Ahaza than ame ûkhûnöng ka je than Asuria he ka hadruâ e.

Isaia 23:3

Ke haba hon je köiö ae gan me wale wan Sihora, ke hu gan hna menu hnyi Nail; ke wale hnyaban ûcû anyin je hnyei.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 7:20

Ke haba hnyi bong eling ame he Than ka ûgi ge heleûgi adre me mē bi hwaban, a e bi hnyi ke keihen hoton wagewe, wale unyin than Asuria, ban me leûnen li can: kʼ ame he minya bi ka khudreû bi wainy.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Je tenge anyi Jeremi 5:6

Ohmun e hia but ham hnyam me nom ka at Aigupito, Me at Asuria, me me hnyi sekuhmun.

Ezekiela 16:28

U je hia but minya bi ûnyi monu me at Asuria, anyin a u me ca hmâ; eke, u je hia but bi ûnyi monu mödra, ke so bi u je ca sekon bi.

Ezekiela 17:15

Ke e ame ûkhin fuc mē, me kunâ anyin je ûthumetu Aigupito ai, mʼ adre me he ka ham kâu je hors me tavat ae se hia. Hawa, e ame he ka hnahic? ame he at ame ânyâ ta je ûnyi e ka möt? hawa e ame he ka thamuâ ûhihinyköu, ke möt bi?

Ezekiela 23:30

Adre me he ka ânyâ ta je ûnyi e köu anyin a u je hia but bi ûnyi monu hoton ta je hnyei, ke u kong ut ge anyidra je idola.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Josua 13:3

hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,