Jeremia 2:15 - Iaai Bible 1901 (New Caledonia)

¹⁵ Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 2:15 ပူးပေါင်းရင်းမြစ်များ

Jobu 4:10

Haba hmuhmuiny liona, me hwan liona ae beûkûc, Me je nyon je nak liona, me, adre hia but thu.

Salamo 57:4

E ʼû hanuk hnyi wanben ta je liona; Oge me mokut unyin tavat adre me hiâ, Wale lakon tavat a je ö me fana ta je nyudra. Ke haba bohmödra me hele vat ae so hwan.

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 5:29

ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 25:30

Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 26:9

Anyin a ieû, u je perofeta hnyi iö Iehova me ha, ka habe, Ame he Uma kap eang ka helâ me Silo, ke ame he ka hnyot taun ang, ke ama ba at ame he ka labā e? Ke ame ûkhacaköu tavat hia kö Jeremia hnyi uma umö Iehova.

Jeremia 33:10

Walang hna ha hnö Iehova, ka habe, Adre me he hmetu ka long hnyi dok ang, waleji öbun e ha gan, ka habe, E ba wan, e ba at, ke ba meno, hnyi ta je tauniny Juda, me je getheniny Jerusalema wale ae ba wan, ke ba minya at he ka labā e, ke ba meno,

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 51:38

Adre me he ka tha kuku helâ me je nokon liona.

Jeremia 6:8

Jerusalema lö, kap ju hna ûnö, wâ e nye hwio hnyekuk gam; wâ oge nye he ka öba wânâm, me u me hnyei adre me ca labā.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Ezekiela 36:3

anyin a wale perofeta thö, me ha, ka habe, Walang hna ha hnen Than Iehova, ka habe, Can, anyin adre me oba wan gabun, ke ön öbun hnyi je ke keihen gabun, mʼ öbun e iny je kolon ta je hnyei, ke adre me hai öbun hnen tavat fufuc, kʼ adre me haikongu öbun hnen tavat:

Ezekiela 5:14

Ke haba khaca, oge me he ka oba wan gam, ke adre me he ka haikongu u, unyin je hnyei igigili u, hnyi hnyimakan tavat hia adre me he unyâm.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Amosa 3:12

Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.

Amosa 3:4

Hawa, ame he ka kuku liona hnyi hnyot, e ka ba haniny? hawa, ame he nak liona ka fuc hnyi umen bi, e ka ba ûnyi e ame hom?

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Nahuma 2:11

Ewa uma umen liona, ke dok ame an hnyin je nak liona, wale ame vheno hnen liona ke liona momo, ke nokon liona, ke ba at ame ooti ödra?

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zefania 2:5

Ekölö ge tavat adre me labâ hobat köiö, wale hneyi iny at Kerethi! e ve e möbun hofuc ho Iehova, Kanana, hnyei iny at Filisiti; oge me he ka ohiö u me me ba at ame he ka labâ.

Zefania 3:6

Oge hia but subâ degecâ je hnyei, e ba but aten anyidra je tap tue; oge hia but ohnyeutâ dedra je gethen, me ba at ame vheno: adre kot anyidra je taun, e ba but at, ke ba but at ame labâ.

Zakaria 11:3

Wale ûkuku tengeiny tavat tuö mamoe! anyin ae kong ut anyidra hmanenang: ûkukuiny je nak liona! anyin ae kong ut hmanenanginy Joridano.

Owisa 14:5

Ke ame tha he Samasona me kamen me hinyen Timenatha ai, me o but hnyi je hnyei vine hnyi Timenatha: ke wâ bi ame kuku kâu nokon liona.