Jeremia 2:13 - Iaai Bible 1901 (New Caledonia)

¹³ Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:13 ပူးပေါင်းရင်းမြစ်များ

II. Je Than 22:17

can ödrin e hia but hna degeci nya, me leû uto ae bo so ka je khong, me ohmönyini nya ge ta je huliwa hia anyin je hnyamödrin, anyin a wale ame ubâhlâ thö anyik hmonyin ka dok ang, ke adre me ca he ka omoko.

Salamo 36:9

Anyin a e bi unyâm pupuainy möt: Ohmun e he bi ka wâ melam hnen ânyâm melam.

At Khet 1:14

Oge hia but wâ ta je huliwa hia adre me ânyâ hmelen seûno; ke wâ bi thatûnyi hia, kʼ adre me han ang.

At Khet 1:2

Haingen at Khet, ka habe, E ti thatûnyi e ti thatûnyi ta je ûnyi hia.

At Khet 12:8

Awe, haingen at khet, ka habe, E ti thatûnyi ke thatûnyi ta je ûnyi hia.

At Khet 2:11

Me oge me wâ ta je ûnyi hia ame ânyâ hnen li hnyamok, me ta je huliwa oge me huliwan he ka ânyâ; ke wâ bi, thatûnyi hia, ke ame han ang, ke ba troban hmelen seûno.

At Khet 2:21

Ke waleû at ame huliwa hnyi metâ, me wâhmakhmeto, me ti khana; ke so bi e ame he ka hna e ka at a ca hnyi huliwan bi me hnân weûhûneny. Wale minya thatûnyi, me monu ae gan hmâ.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 12:3

Anyin a wale öbun e he ka se köiö me senyin ûnyi hnyi je pupuainy möt.

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 1:16

Ke oge me he ka ha hnok je hna owisa gadra, can anyidra ta je hulo hia; waleji hnyi hnödra hna digic nya, me leû utö ae bo so ka ke je khong, me hmi ka ta je huliwa anyin ta je hnyamödra bi.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 18:14

Hawa, ame he kionainy Lebanona ka kolu ûnyi hnyi hon kicin utkânâ? ame he ka hme köiö katebu wale ame hingölö ûheny hnyi dok ae sâkâû?

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 2:11

Hawa, e hu hnyei ame wia je khongon, ke ca je khong bi? ke so bi, a hia but lakeik wia anyidra hmanenang, mʼ adre me hom bi ûnyi ae ba troban.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:26

Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 5:26

Anyin adre wâ tavat ae kong unyin lakeik: adre me tuö, helâ me ûyâûiny at ame töu hnewe: adre me hwa ofific me me hnok at.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Ezekiela 47:1

ME e ame ohmetu nya ka hnyi hwanumen uma; ke wâ bi, ame hingölö köiö ûnyi hnyi hmelen hwanumen uma e deiö, anyin ame hnyimakan deiö uma: ke ame hingölö köiö ûnyi hnyi hmelen, hnyi ke keihen metân uma, hnyi ke keihen taben hut ka hnyi hwaiöu,

Mika 2:8

Ke hwân hnyi je bong ang haba lakeik adre me tot helâ me iwahnaihmiöny: öbun e uny ûkhaû ûnyi hnyi hon khaûen tavat adre me he sot helâ me tavat ûhedra hnyi vat.

Mika 6:3

Lakeik lö, ieû o ge ânyâ köu? ke ieû o ge osenyini u hnyin? khûö nya but.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:11

Me haingen momo kâu, ka habe Than lö, e ba ûnyi gam hnân soû, ke dit an, ke ûnyi ua köien möt gam?

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

II. Peteru 2:17

Ödra je hna pupua köiö ae hme, ke ta je hai ame oûang dö; adre hia but ip hobi kodra lit ae menekholom.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Owisa 10:13

Ke öbun e digic nya bi, me bi athnyaba ka je khong: anyin a wale oge me ca he hmetu ka omeli öbun.

I. Samuela 12:10

Ke ödrin e tenge kö Iehova me ha, ka habe, Ohmun e hia but monu, anyin a ohmun e hia but hna degeci Iehova, me bi athnyaba ka je Baala, me Aseira: ke u me he walang ang ka omeli ohmun ûnyi hnyi hnyamen je iwahnaihmiony möhmun, mʼ ohmun e he ka bi athnyabaem.