Jeremia 19:4 - Iaai Bible 1901 (New Caledonia)

⁴ Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 19:4 ပူးပေါင်းရင်းမြစ်များ

II. Je Than 21:16

Ke haba khaca, Manase ame hingâlâ dra ae ba hnyikongon e ti gan, ke ne o but ame ti unöngötö Jerusalema gan hnyi je ke keihen hia; me anyin minya hulö wale ame okûâ hwakecin ae kong anyin at Juda, wale he ka ânyâ ûnyi ae kong hnyi hnyimakö Iehova.

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

II. Je Than 24:4

me can minya dra ae ba hnyikongon, waleji e ame hingâlâ; anyin a e ame ounöngötâ Jerusalema ge dra ae ba hnyikongon: ke ame höcö Iehova he ka hna degecâ.

Salamo 106:38

Me hingâlâ dra ae ba hnyikongon wale dren lakudra obaga me wahlu, Waleji adre hudo ka ta je idolainy hnyei Kanana; Me ame kong ut hnyei ge dra,

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Isaia 65:11

Ke haba öbun tavat öbun e hna degeci Iehova, me hnying anyik bucen ae kap, me penapena laulau kö Gada, me öunöngötâ hudiny ic hobi kö Meni;

Jeremia 1:16

Ke oge me he ka ha hnok je hna owisa gadra, can anyidra ta je hulo hia; waleji hnyi hnödra hna digic nya, me leû utö ae bo so ka ke je khong, me hmi ka ta je huliwa anyin ta je hnyamödra bi.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 17:20

ke ha thö kodra, ka habe, Löng ju hofuc ho Iehova, öbun je than Juda me at Juda hia, me aten Jerusalema hia, tavat adre me didro hnyi je homagöule ang:

Jeremia 18:15

Anyin adre hnying nya lakeik, adre hia? but leû utö ae bo so ka ûnyi ae ba onyen; ke adre hia but ohaû ödra bi hnyi dedra je gethen, a je gethen kâû adrem, he ka he hnyi je ong gethen, adre ca okhibö goranyai;

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 2:34

Ke adre me wâ minya hnyi obiny ânyâm je ûkhaû dren tavat ae theduoc ae ba hnyikongudrin; oge ca wâ e hnyi dek adre thu ka hnyin, ke hon je ûnyi e hia.

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 26:15

Ke so bi, wâhmakhmeto ju öbun, öbun e ne he ka hlingö nya, öbun e he ka ohwâdâ dra ae ba hnyikongon hubun, me hon taun ang me tavat adre me labā e: anyin ae hnathu Iehova ame kunö nya köbun he ka ha ka hnyi je hnyikönyöbun ta je hofuc ang.

Jeremia 26:23

ke adre me hum Uria ûheny Aigupito me hom e kö Jehoiakima than, me e ame hlingâ e ge hele vat me khûâ unyin ka hnyi erkemok anyin houmonu.

Jeremia 44:3

can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Ezekiela 20:26

ke oge me okongu ödra hnyi anyidra bi ta je bwihlany, waleji hnyi hnödra hna ovheno je lakudra a watö hia hnyi wanben meic, mʼ oge me he ka öba wan gadra, me me khanödra a inya Iehova.

Ezekiela 7:22

Oge me he ka wia hnyimakök gadra, ke adre me he ka okongoâ anyik dok ae iyong; ke ame he tavat venâu ka dit hnyin e me okongoâ e.

Ezekiela 8:11

Ke ame tot hnyi hnyimakan ta je ûnyi e tavat a sevente hanen wahingatiny lap anyi Isaraela, ke ame tot Jazania nöku Safana hnyi wanbödrin, ke ve hu taben meic hnyi je hnyamödrin; ke ame sâ göranyai hai ae gan hmâ a hainy utö ae bo so.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Luka 11:50

mʼ adre me he ka hnö dren ta je perofeta hia thithö unyin dö ang, waleji adre me hingâlâ hwân hnyi hna bi taben hmeledrany;

Deuteronomi 13:13

A he but ke je hnyat ae kong ûheny unyâm, ke ödrin e hia but thang aten anyidrin taun, me ba, ka habe, E so ötin e he ka bi athnyabainy ke je khong ae ca khanʼ öbun;

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

Deuteronomi 28:20

Ame he Iehova ka kunâ köu hnaûhango, me vec, me û, hnyi ta je ûnyi u me ip hnyamâm kâu he ka ânyâ ke ne o but u me mok me ke ne o but u me ie hia but; can hulöiny ânyâm je huliwa u me digic nya hnyin.

Deuteronomi 28:36

Ame he Iehova ka tha hum u, me tuhâm a at u me otilâ hom, ka hnyi hnyei ae ca khanö u, a u me lakâmâm; ke u me he ka bi athnyabainy eling ke je khong a uto me veto.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Owisa 5:8

Ke adre me ûca je khong kanyua; Me ame o vat ka hnyi je homagöule: Hawa, e hu bec ame ne ö adre wâ Unyin je fâte thauzan hnyi Isaraela?