Jeremia 19:3 - Iaai Bible 1901 (New Caledonia)

³ me ha, ka habe, Long ju öbun hofuc ho Iehova je than Juda, me aten Jerusalema; walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ûnyâ ae kong ka hnyi hon dok ang ke ame he ka tenge met hnyi hnyikonyen tavat adre me löng.

Jeremia 19:3 ပူးပေါင်းရင်းမြစ်များ

Salamo 102:15

Ke ame he ta je hnyei ka outen iö Iehova, Me ânyâm hmanenang minya hnen ta je tuhan hmeledrany hia thithö;

Salamo 110:5

Haba Than hnyi hnyamâm a metâm, Ame he ka kot muâ ta je than hnyi bonginy anyin hmönyin.

Salamo 2:10

Anyin a wale metâ thʼ öbun je than: Ke haba öbun hnyat owisa eang hmeledrany, hitangen ju hna ûne.

Isaia 28:19

Hnyi je ûen e ame he ka o, me ame he ka hum öbun; anyin a e ame he ka o hnyi je hnyomakatu, me lany me lit: ke e thibi ot he ka wâhmakhmeto ûthumetu.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 17:20

ke ha thö kodra, ka habe, Löng ju hofuc ho Iehova, öbun je than Juda me at Juda hia, me aten Jerusalema hia, tavat adre me didro hnyi je homagöule ang:

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 25:29

Anyin a wâ bi, inya oge me hwân he ka oaatâ ûnyi ae kong ka taun wale adre wenyö kâu iök, ke hawa, adre me ca he minya ka bi hwaban köbun? Öbun e ca he ka he baû: anyin oge me he ka hawâ hele vat hobi kâu tavat hia thithö adre me laba eang hmeledrany, haingö Iehova tuhan sabaoth.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 44:3

can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Ezekiela 7:5

Walang hna ha hnen Than Iehova, ka habe, Ûkongon, ûkongon a khaca; wâ bi, a ame o thö.

Mataio 10:18

eke, adre me he ka lili öbun ka hnyi hnyimakan tavat musi me ta je than can inya, hnân ohnathoâ ködrin me Aten ta je hnyei.

Hna Omanenâ 2:29

Haba at ae hu hnyikonyen, löng ju hna ha hnen Hanu ka ta je ekalesia.

I. Samuela 3:11

Haba Iehova ame ha kö Samuela, ka habe, Wâ bi, oge me he ka ânyâ ke ûnyi hnyi Isaraela, ke ame he ka mea hnyi li hnyikonyen tavat hia adre me long.