Jeremia 19:15 - Iaai Bible 1901 (New Caledonia)

¹⁵ Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 19:15 ပူးပေါင်းရင်းမြစ်များ

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Jeremia 17:23

ke so bi adre me ca löng, me tevehlöng, ke adre me ohwegiâ je nyidra, mʼ adre me ca löng bi me kap bi hna ûnö.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 19:3

me ha, ka habe, Long ju öbun hofuc ho Iehova je than Juda, me aten Jerusalema; walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ûnyâ ae kong ka hnyi hon dok ang ke ame he ka tenge met hnyi hnyikonyen tavat adre me löng.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 25:3

Hwân hnyi huna a thötini Josea nöku Amona than Juda, ke ne o but hnyi bong ang, wale hnyi huna a twente theri, ame o but könya hofuc ho Iehova, me oge hia but ha köbun, me labö vesâ kong me ha, ke öbun e ca löng bi öbun.

Jeremia 25:4

Ke a hia but Iehova kunâ köbun je perofeta hia a je athnyabainy, ame vesâ kong me ûkhûnöng: ke öbun e ca hia but löng, me ca tâ je hnyikönyöbun he ka löng;

Jeremia 25:7

Ke so bi, öbun e ca hia but ling nya, haingö Iehova; me öbun e he ka ohmönyini nya ge ta je huliwa anyin je hnyamöbun me öbun e he ka kong.

Jeremia 25:8

Anyin a wale, walang hna ha hnö Iehova tuhan sabaoth, ka habe, Anyin a öbun e ca long hok ta je hofuc.

Jeremia 36:31

Ke oge me he ka bi hwaban kâu, me je mâtrâniny, me je athynabainy, can hwakecidra ae kong: ke oge me he ka oâ kodra me aten Jerusalema, me at Juda ta je ûnyi hia ae kong waleji oge ha gadra, ke adre me ca löng bi.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Je tenge anyi Jeremi 2:2

A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.