Jeremia 19:13 - Iaai Bible 1901 (New Caledonia)

¹³ ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 19:13 ပူးပေါင်းရင်းမြစ်များ

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

II. Je Than 23:12

Ke haba je taben hut walethö hnyi hon ban hnyeule Ahaza, a ânyâ ge je than Juda, me je taben hut a ânyâ Manase hnyi li hnyeuleny uma umo Iehova, me haba than ame kia but, me hagutâ hnyikânâi ûheny e, me khûâ dron ka hnyi wagewe Kederon.

II. Je Than 23:14

Ke e ame kot omomono je veto ame tot, me sö degecâ je Aseira, me ounöngötâ hnödrin je hna tot hnyin ge je jeien je komok.

Salamo 74:7

Adre hia but thong degecâ umâm uma kap; Adre hia but okongoâ hnyaban iâm ke ne o but ka hnyi kânâ.

Salamo 79:1

KHONG lö, ame o but aten ke je hnyei ka hnyi em; Adre hia but okongoâ umâm uma ae kap; Adre hia but thö Jerusalema me me vetaûnyi but.

Isaia 22:1

HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Jeremia 19:12

Haingö Iehova, ka habe, Oge me he ka ânyâ helâe ka dok ang, me tavat adre me labā e, me wia taun ang me me helâ me Tofet:

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 44:18

Ke hwân hnyi ûen ohmun e ca leû utö ae bo so ka momo thaniny drany, ke hingâlâ je hudiny ic kâu, me hia gahmun ta je ûnyi hia, ke adre oaû ohmun ge hele vat me hmiâ.

Jeremia 52:13

ke e ame thong degecâ uma umö Iehova, me uma umen than; ke e ame thong degecâ ge meic ta je uma hia hnyi Jerusalema, wale je uma ae gan hia.

Jeremia 7:18

Ta je wanakat adre me thigö utö, ke haba je kamen adre me hû meic, ke haba je momo adre me up falawa, me adre me ânyâ je ong areto hobi kâu momo thaniny drany, me hingâlâ ka ke je khong je hudiny ic, me adre me ohmönyini nya.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Ta je huliwa 10:9

Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny:

Ta je huliwa 7:42

Haba Khong ame hwio thö me hnʼ ödra but he ka bi athnyabainy ta je ûnyi hnyi drany; helâ me hna sihnalimen hnyi tusi anyin je perofeta, ka habe, Hawa, öbun e hudo könya ta je meno adre me hlingâ me ta je hut Hnyi hnyebuba hnyi je huna a fâte, lap anyi Isaraela?

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.