Jeremia 18:8 - Iaai Bible 1901 (New Caledonia)

⁸ ame ne he hnyei eling wale oge me fuc gan he ka hmetu ûnyi hnyi anyidra hulo, awe, oge me he ka ietra ûnyi ae kong waleji oge ûnykûme he ka ânyâ kodra.

Jeremia 18:8 ပူးပေါင်းရင်းမြစ်များ

II. Man Ûlabainy Je Than. 12:6

Me ame oûhnyûkongu ödrin bi je taben hnyi Isaraela me je than, me haingödrin, ka habe, E wisa Jehova.

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Salamo 135:14

Anyin ame he Iehova ka owisa lakeiny, Me ietra ge lathnyabainy.

Salamo 90:13

Iehova lö, metu ju; ke ne o but kehö? E so u ma ietra ge ta je lathnyabaem.

Esodo 32:12

Ieû ge at Aigupito tavat adre me he ka ha, ka habe, E a hum odra me me he ka hlingʼ odra hnyi je bucen, me ohiʼ odra ûnyi hnyi hon kânâ? Ö u ikhâlâ ju hmönyininy hnyekom ame ubâhlâ, me ietra monu a o ka je lakem.

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 26:13

Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Jeremia 26:3

Adre me ne he ka löng, me ve hmetu ûnyi hnyi dedra ta je gethen ae kong: me oge me he ka ietra ûnyi ae kong waleji oge ûnykûme he ka ânyâ kodra can ûkongon anyidra ta je huliwa.

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Ezekiela 18:21

Ke ame ne hmetu at ae kong ûnyi hnyi anyin ta je hulo hia waleji e ame ânyâ, ke tuö hia anyik je hnânyibu, kʼ ame ânyâ ûnyi ae ûcû me wisa, me ame he bi ka möt, me ca mok.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 33:12

Ke haba u, nokon at lö, ha thö ka lakon em hnyei, ka habe, Ame ca he hwakecin ae wisa anyin at ae wisa ka omelo e hnyi ûen monu a e; ke haba hwakecin ae kong anyin at ae kong, me ame ca he ka ota e hnyi bong e ame hmetu ûnyi hnyi anyin hulo; kʼ ame ca he ka möt bi at ae wisa hwakecin hnen e hnyi bong e ame ânyâ hnyin hulo.

Ezekiela 33:13

Ke iny ka ha ka at ae wisa, ka habe, e ame he ka möt; kʼ ame ne he bi ka labageju hwakecin ae wisa, kʼ ame ne ânyâ hulo bi, awe adre me ca he ka ûnykûme hwakecin ae wisa; kʼ ame he bi ka mekiny hulo e ame ânyâ.

Ezekiela 33:14

Ke haba khaca, iny ka ha ka ke at ae kong, ka habe, U me he ka mok; ke e ame hmetu bi ûnyi hnyi anyin monu, me ânyâ ûnyi ae wisa me ûnyi ae ûcû;

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,