Jeremia 18:23 - Iaai Bible 1901 (New Caledonia)

²³ Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 18:23 ပူးပေါင်းရင်းမြစ်များ

Salamo 119:126

Ûen dut ang kö Iehova he ka huliwa; Anyin adre hia but oûnyibaûâ ânyâm hnanyibu.

Salamo 35:4

E so he ka hmehma me laba ûhnyûkong tavat adre me elâm hanuk: E so he ka ohmetuhmeto me omonumonu ödra adre me beokongu nya.

Salamo 56:8

U je aû hnok je hna ngenu: Hingâlâ but je deköiök ka hnyi ânyâm kaia; Hawa, ca e bi hnyi ânyâm tusi?

Salamo 59:5

Haba u Iehova lö Khongon sabaoth, Khongu Isaraela, Todrö he ka senâ ta je hnyei hia thithö: Ca he ka betenge bi ge tavat ae kong adre hanyâûâ. [Sela.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 2:9

Ke ame nom ju hoûmonu, ke ame hnyikânâ but at ae ûnyi hnathu: anyin a wale u me ca he ka kot degecâ anyidra hulo.

Jeremia 11:23

ke ame he ka ba koluidra: anyin oge me he ka oâ ûnyi ae kong ka tavat aten Anathoth, wale hnyi hunainy hna senʼ ödra hnyin.

Jeremia 15:15

Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 26:11

Me haba tavat bihut, me je perofeta, adre me ha ka je taben me tavat hia, ka habe, E ûcû but at ang he ka mok, anyin a e ame perofeta ûcon taun ang, helâ me hna long hnen je hnyikönyöbun.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 37:15

Ke haba je than adre me hmönyidra kö Jeremia, me kot e, me ca e hnyi uma umö Jonathana at sihnalimen: anyin adre me hia but ânyâ e me hnân uma ceat.

Jeremia 38:4

Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 6:21

Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Je tenge anyi Jeremi 3:60

U je hia but wâ hia anyidra hmonyin me hnödra je hna ûnykûme hia gak.

Je tenge anyi Jeremi 3:61

Iehova lö, u je hia but long hnödra hna haikongoâ, me hnödra je hna ûnykûme hia gak;

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;