Jeremia 18:21 - Iaai Bible 1901 (New Caledonia)

²¹ Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.

Jeremia 18:21 ပူးပေါင်းရင်းမြစ်များ

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

Salamo 63:10

Kʼ adre me he ka hnʼ ödra but ka hnyi maniny hele vat: Adre me he ka hnân an je alope.

Salamo 63:11

Ke ame he than ka senyin ka Khong: Adre me he hia ka hobeluâ, wale tavat adre me khemanyin gan; Anyin adre me he ka hlöng hnyimen tavat adre me thoi.

Esodo 22:24

kʼ ame he ka ubâhlâ anyik hmönyin, ke oge me he ka hlingʼ öbun ge hele vat; kʼ ame he ka safac je laöiöbun, kʼ ame he biju ka nakahme je lakubun.

Isaia 13:18

Ke ame he anyidra je cafana ka öūo wahidröu; ke adre me ca he ka betenge ge wan hnyok; ame ca he li emaködra ka hna baûâ je wanakat.

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 15:7

Ke oge hia but ulic ödra ge ut hnyi je homagouleny hnyei; oge hia but öba lakudra, oge hia but öba lakeik; adre me ca hmetu ûnyi hnyi dedra je gethen.

Jeremia 15:8

Adre ose hia je safac unyidra hnyi hnyimakök hon je waönyin köiö: oge hia but hom kodra ûcon hinyen wahidröu, at ame söh hnyi jebigo: oge hia but ie oâ kodra ot me öbubuny.

Jeremia 50:30

Anyin a wale ame he ka ta hnyi ta je getheniny wahidröuiny, ke adre me he ka ohia anyin tavat vat hia hnyi bong eling haingö Iehova.

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 5:3

Ohmun je nakahme, me tavat a mokcu kamen, Haba je lahinyöhmun me helâ me je safac.

Ezekiela 16:38

Ke oge me he ka bi hwaban köu, helâ me hna bi hwaban ka omomo, hnyat adre me bi ûnyi monu, me hingâlâ dra: ke oge me he ka oâ köu dren wathethot me ciâ.

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Deuteronomi 32:25

Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.

II. Timoteo 4:14

E gan monu ame ânyâ könya Alesanedro, at ame leû fao kapa: kʼ ame he Than ka bi hwaban kâu e ûcû me anyin huliwa:

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.