Jeremia 18:20 - Iaai Bible 1901 (New Caledonia)

²⁰ Hawa, adre me he ka bi hwaban so ge kong? anyin adre hia but hiny thop, me inye he ka mok. Ûnykûme ju waleji hnök hna tot hnyi hnyimâkâm he ka khöûâ so hobi kodra, me ohavâ ânyâm hmonyin gadra.

Jeremia 18:20 ပူးပေါင်းရင်းမြစ်များ

Jobu 6:27

Eke, öbun e beugleköbâ nakahme, Me ânyâ ka hanöbun, helâ me omjeû adre ûco.

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Salamo 119:95

A hia but tavat ae kong halubuhingʼ nya he ka hlingö nya; Ke inya oge me he ka ûnykûme hnâm ta je ohnathoâ.

Salamo 35:12

Adre me bi hwaban anyik so ge kong, Me me hloûhloû hanuk.

Salamo 35:7

Anyin adre hia but ikhâlâ anyidra ta je hnewe gak ke ba can, Ke adre hia but hiny thop hobi kâu hanuk, ke ba can.

Salamo 38:20

Ke haba tavat adre me bi hwaban so ge kong, Me adre me bi iwahnaihmiony mönya, can oge me hnu hoton ûnyi ae so.

Salamo 57:6

Adre hia but penapena hnewe hobi kâu li cak; Ame hlec hnyikânâi hanuk: Adre hia but hiny thop hnyi hnyimakök; Adre me ka ta hmetu but eû hnyi hnyin e. [Sela.

Salamo 7:15

E ame hia but hiny thop, kʼ ame hiny dilâ, Me ame ka kolu but ka hnyi thop waleji e ame ânyâ,

Ta je Vejec 17:13

Haba at ame bi hwaban so ge kong, Me ame ca he bi ka hia hulo hnyi hnyaban.

Ta je Vejec 26:27

Haba at ame hiny thop me ame he ka ta kâû ka hnyin: Ke haba at tetebulo veto, me ame ka tetebulo hmetu bi kâu.

At Khet 10:8

Haba at ame hiny thop, me ame he ka kolu ka hnyin; ke haba at ame thu bak me ame he ka oloû on.

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 14:20

Iehova lö, e khanʼ ohmun dut anyihmun hulo, me hulo anyin lakamöhmun: anyin a ohmun e hia but ânyâ köu hwakecin ae kong.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 18:19

Iehova lö, tevehlöng ju könya, ke löng ju ifucin tavat adre me ivino mönya.

Jeremia 18:22

E so adre me long tenge hnyi umödra je uma, hnyi ûen u me he ka ie oâ kodra deo vat; anyin adre hia but hiny thop hnân odili nya, me ikhâlâ je hnewe hnân li cak.

Jeremia 27:18

Ke adre ne je perofeta, ke a ne e bi unyidra hofuc ho Iehova, e so adre me he walang ang ka khöû kö Iehova tuhan sabaoth, mʼ adre me ca hom Babulona ai ta je kaia a kolon biju a e biju hnyi uma umö Iehova, me hnyi uma umen than Juda me Jerusalema.

Jeremia 5:26

Anyin adre wâ tavat ae kong unyin lakeik: adre me tuö, helâ me ûyâûiny at ame töu hnewe: adre me hwa ofific me me hnok at.

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Je tenge anyi Jeremi 3:59

Iehova lö, u je wâ hwali könya; owisa thö hobi könya.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 15:25

Waleling me me hwâdâ but hna sihnalimen hnyi anyidra hnanyibu, ka habe, Adre hia but hûkötiö nya ke ba can.

I. Samuela 19:4

Ke Jonathana ame ha soi Davita kö Saulo a kamen, me ha kâu, ka habe, ca he than ka kong hwakecâm kö Davita athnyabaem; anyin ae ca kong hwakacin köu, ke e ti so hmonyin anyin je huliwa köu: