Jeremia 18:18 - Iaai Bible 1901 (New Caledonia)

¹⁸ Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 18:18 ပူးပေါင်းရင်းမြစ်များ

II. Samuela 15:31

Ke ame ha ke at kö Davita, ka habe, Ahithofela, ame tha he me tavat hûgûnâ dökhu, me Abasoloma. Haba Davita ame ha, ka habe, Iehova lö, ohavâ but ûhnenamö anyi Ahithofela me me monu but.

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

I. Je Than 22:24

Haba Zedekia nöku Kenaana ame hakekenyâ me khaû wahicö Mikaia, me ha, ka habe, A deny ua hanu Iehova ûheny unyik he ka ha bi köu?

II. Man Ûlabainy Je Than. 24:21

Me ödrin e sihnân, me lûâ e ge veto hnyi hnyeuleny uma umö Iehova hoton musi anyin than.

Jobu 5:13

E ame ohnokâ tavat ae metâ hnyi anyi drin je bibihwakeoin: Me ologotâ ûhnenamö anyin tavat adre me bigan.

Salamo 21:11

Anyin adre me ûnykûme ûnyi ae kong köu: Adre me sihnân, ke ca khanʼ ödra bi ânyâ.

Salamo 52:2

Haba bohmâm ame penapena hwakecin ae ti kong, Helâ me heleûgi ae so hwan, kʼ ame huliwa iyawâ.

Salamo 57:4

E ʼû hanuk hnyi wanben ta je liona; Oge me mokut unyin tavat adre me hiâ, Wale lakon tavat a je ö me fana ta je nyudra. Ke haba bohmödra me hele vat ae so hwan.

Salamo 64:3

Hnyat adre me khet je bohmödra helâke hele vat, Me lau cafana me hlec anyidra je fana, wale je hofuc ae hiny:

Ta je Vejec 18:21

Haba mok me möt, me ame muso hnen bohmen; Ke haba tavat adre me betenge gan, me adre me he ka an wan.

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Jeremia 1:19

Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 18:19

Iehova lö, tevehlöng ju könya, ke löng ju ifucin tavat adre me ivino mönya.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 26:11

Me haba tavat bihut, me je perofeta, adre me ha ka je taben me tavat hia, ka habe, E ûcû but at ang he ka mok, anyin a e ame perofeta ûcon taun ang, helâ me hna long hnen je hnyikönyöbun.

Jeremia 37:13

Ke hnyi ûen e ame o hnyi homagouleny at Beniamina, e bi ling ke taben tavat tue, Iria ien, nöku Selemia, nöku Hanania; me e ame kuc Jeremia perofeta, me ha, ka habe, U me utut ka at Kaledaia.

Jeremia 43:2

me haba Azaria nöku Hosaia, me Johanana nöku Karea, me tavat bi gan hia, ödrin e ha kö Jeremia, ka habe, U me ha thoi: a ca kunö u Iehova Khonguta he ka ha, ka habe, Ca he öbun Aigupito ai he ka më laba eling:

Jeremia 44:16

Haba hofuc u je hia but ha kohmun hnyi iö Iehova, ohmun e ca he ka löng köu.

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Jeremia 8:8

Ieû gabun öbun e ha, ka habe, ohmun tavat ae metâ, ke e unyihmun hnanyibu anyi Iehova? Ke wâ bi, a hia but huliwa iyawo pen ae thoi anyin tavat sihnalimen.

Je tenge anyi Jeremi 3:62

Je esongodidra tavat adre me tot könya, me anyidra je bihihwakecin könya hnyi je bong.

Ezekiela 7:26

Ame he ka o but ke ûokonguny me ke ûokonguny, ke ame he ka hu ke ûthumetu me ke ûthmetu; ke adre me he ka elâm hna omanenâ unyin perofeta; ke ame he ka hia hnanyibu unyin at bihut, me wâ bongon unyin wahingat.

Levitiko 10:11

mʼ öbun e be ka nâ je lakon Isaraela ge je hnanyibu hia a ha Iehova ködra a deny Mose.

Mika 3:6

Anyin a wale, ame he ka lit köbun, me me ba hna omanenâ köbun bi; kʼ ame he ka menekholom köbun, mʼ öbun e ca he bi ka bi khong; ke ame he ka dit seûno hon je perofeta, kʼ ame he ka khömet bong hudra.

Mika 3:7

Ke ame he ka hmehma tavat wâ, me hlohlo tavat bi khong; eke, adre me he ka tube je esongodidra: anyin ae ba hofuc hwan Khong.

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Luka 11:45

Me ame thu kâu hnen ke at ûnö hnanyibu, ka habe, At Ûne lö, u me ha helâe, me u me haikongu ohmun minya.

Ioane 9:40

Ame long ut keihen ta je Faresaio a tha ödra mē ta je hofuc eling, me adre me ha kâu, ka habe, Hawa, ohmun je wadröu minya?