Jeremia 18:16 - Iaai Bible 1901 (New Caledonia)

¹⁶ me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 18:16 ပူးပေါင်းရင်းမြစ်များ

I. Je Than 9:8

ke haba uma eang ae beû goranyai, ame he tavat hia adre me he eû hnyi gethen ka lâiâ, me jû; ke adre me he ka ha, ka habe, Anyin a ieû Iehova ame ânyâ helâe ka hnyei ang me uma ang?

II. Man Ûlabainy Je Than. 29:8

Anyin a wale e but hon at Juda me Jerusalema hmonyin anyi Iehova, me e ame hia but hnʼ ödrin he ka bwebwet, me hnân lâiâ, me jû, helâ me öbun e wâ ge je li emaköbun.

Salamo 109:25

Ke inyʼ taben ûhiö kodra: Adre me ō nya me adre me hnyihnyikâ je bödra.

Salamo 22:7

Haba tavat hia adre me ō nya, me adre me hlumö nya: Adre me obeûâ je esongodidra, me nyinyikâ je bödra, me haingödra, ka habe,

Salamo 44:14

U me wiʼ öhmun me hnân taben ûhiö anyin aten ke je hnyei, Me hnân nyinyikâ ban hnyi wanben je hnyei.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Jeremia 19:8

Ke oge me he ka wia taun ang hnân kuko me jû; ame he tavat adre me gethen hnyin ka lâiâ me jû, can ta je mok hnyin.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Jeremia 48:27

Ke hawa, u je ca hlumö Isaraela? adre me wâ e unyin tavat venöu? anyin a u je hâiâ e me u je nyinyikâ bâm kâu.

Jeremia 49:13

Anyin oge hia but khemanyin gak bi, haingö Iehova, a ga me he Bozera ka hnân kuko, me haikongo, me ba wan, me hnân hangâ; ke ame he ka ba wan je tauniny hia nyiele balua.

Jeremia 49:17

Ke ame he Edoma ka hnân lâiâ: ame he tavat hia adre me he hnyin ka kuko, me jû can hnân je aat hia.

Jeremia 50:13

Can hmonyin anyi Iehova adre me ca he ka labā e, ke e ame he hia ka ba wan: ke adre me he ka lâiâ tavat hia thithö tavat adre me he hnyi Babulona, me jû, can ta je okongon hia thithö.

Jeremia 51:37

Ke ame he Babulona ka helâ me hna digic thatûnyi, ke hnyaban ta je luko, a hnân lâiâ, me ju, ke ba at ame he ka labā.

Jeremia 51:43

A hnyot ut anyin je taun, hnyei ae hwahwacit, me hnyebuba, hnyei ae ba at ame he ka labā, kʼ ame ca he hnyin ke nokon at.

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Ezekiela 12:19

ke ha thö ka tavat aten hnyei, ka habe, Walang hna ha hnen Than Iehova, ha thö ge aten Jerusalema, me hnyei Isaraela, ka habe, Adre me he ka an ö ʼdra jeû me hom ûnyûkongo me ijem belidra utköiö me lâiâ, me me hia but ta je ûnyi hnyi iny hnyei, can ûkonguny anyin tavat adre me labâ e.

Ezekiela 27:36

Haba tavat ûcû hnyi je hnyei me adre me jû gam; u at ame ootâ, ke u me ca he hmetu bi ka manen nyiele balua.

Ezekiela 36:3

anyin a wale perofeta thö, me ha, ka habe, Walang hna ha hnen Than Iehova, ka habe, Can, anyin adre me oba wan gabun, ke ön öbun hnyi je ke keihen gabun, mʼ öbun e iny je kolon ta je hnyei, ke adre me hai öbun hnen tavat fufuc, kʼ adre me haikongu öbun hnen tavat:

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Levitiko 26:32

Ke oge me he ka obâ aten ibun hnyei: kʼ ame he je iwahnaihmiony möbun tavat adre me laba hnyin he ka uthmâhmâ gan.

Levitiko 26:43

Ke odrin e he ka he but me hnen bi ju hnyei, kʼ ame he ka senyinâ je sabathiny, kʼ ame itremacat ke tiga hiʼ odrin ke odrin e he ka kap hwaban hwakecidrin ae kong: can, anyin a odrin e degec hnok je hna owisa, me hûkötiâ anyik je hnanyibu.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Mataio 27:39

Haba tavat adre me he eling adre me hiâ e, me nyinyikâ je bödra,

Mareko 15:29

Haba tavat adre me he eling adre me hiâ e, me nyinyikâ je bödra me ha, ka habe, E! u at ame he ka kia uma kap me otilâ hmetu hnyi kun ta bong,

Deuteronomi 28:59

kʼ ame he Iehova ka olungâ ânyâm ta je mok, me je mok anyin je mâtrânâm, a je mok ae gan hmâ, me tet hmâ, me je mekiny ae vec, me tet hmâ.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û: