Jeremia 18:13 - Iaai Bible 1901 (New Caledonia)

¹³ Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Jeremia 18:13 ပူးပေါင်းရင်းမြစ်များ

Isaia 36:22

Me haba Eliakima nöku Hilekia at ame muso hnyaba, me Sebena at sihnalimen, me Joa nöku Asafa at oûnykûmeâ, me ödrin e he kö Hezekia me je ûkhaû adre kia, me thumeto e ge je hofuc ho Rabesake.

Isaia 66:8

Ie at ame long a helâe? ie at ame wâ ta je ûnyi a helâe? Hawa, adre me he ka hnokoâ hnyei hnyi bong a khaca? hawa, adre me he ka hnokoâ ke dokhu hnyi ûen a khaca thibi? ke so bi ame o but je lakon Ziona e ka tiga vec hnyekon.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 18:14

Hawa, ame he kionainy Lebanona ka kolu ûnyi hnyi hon kicin utkânâ? ame he ka hme köiö katebu wale ame hingölö ûheny hnyi dok ae sâkâû?

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 5:30

Adre hia but ânyâ hnyi hnyei ûnyi hnân lâiâ ke ikiki:

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Hosea 6:10

Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela.

Amosa 5:1

LAP anyi Isaraela lö, long ju hofuc ang wale oge me ha hnân khumöng tenge gubun.

Amosa 5:2

A ta but hluiny Isaraela; e ame ca he hmetu bi ka tot: adre degec e hon kânân kânâ, e ba at ame he ka otilâ e.

I. Korinito 5:1

AME lung a öbun e bi ûnyi monu, ke ba bi ûnyi monu ae kong helâe unyin Aten ta je hnyei, wale a gʼ ame he at ka hom âiân kamen.

I. Samuela 4:7

Ke haba at Filisiti adre me ot, ke adre me ha, ka habe, A o thö Khong ka hnyi hna hunuma. Ke haingödra, ka habe, Ekölö gata! E ba ûnyi a helâe ehac.