Jeremia 18:11 - Iaai Bible 1901 (New Caledonia)

¹¹ Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 18:11 ပူးပေါင်းရင်းမြစ်များ

Genese 11:7

E so ate me utut me omonumonâ hwen hodra, me me ca khana ke at hofuc hwan ke at.

I. Je Than 22:23

Ke walang ang, wâ bi, a hia but Iehova ip hanu ae thoi hnyi hnyimen ânyâm ta je perofeta eang; ke a hia but Iehova ha ûnyi ae kong gam.

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

II. Je Than 22:13

He thʼ öbun, me elâm unyi Iehova hnân hobi könya, me tavat, me Juda hia thithö ge onyen tusi ang adre wâ: anyin ae gan hmâ hmonyin anyi Iehova kötin, can a ca long hnen lakamötin hoton je hofuc hnyi tusi ang, he ka ânyâ hia hna sihnalimen gatin.

II. Je Than 5:5

Me haba than Suria ame ha, ka habe, Awe, oge me he ka kunâ tusi ka than Isaraela. Me e ame he, kʼ ame tha hom me ta je talan sileva a ten, ke siks thauzan je sekel gol, ke ten ta hna khaû.

Isaia 5:5

Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Isaia 57:1

AME hia at ae wisa, ke ba at a ûnykûme e hnyi hnyekon; ke adre me hom tavat ae wisa, ke ba at ame ûnykûme a gʼ adre hom at ae wisa ge monu ame he ka o.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 19:3

me ha, ka habe, Long ju öbun hofuc ho Iehova je than Juda, me aten Jerusalema; walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ûnyâ ae kong ka hnyi hon dok ang ke ame he ka tenge met hnyi hnyikonyen tavat adre me löng.

Jeremia 25:2

waleji hofuc a ha Jeremia perofeta ka tavat hia hnyi Juda, me tavat hia adre me laba hnyi Jerusalema, ka habe,

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 26:13

Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.

Jeremia 26:3

Adre me ne he ka löng, me ve hmetu ûnyi hnyi dedra ta je gethen ae kong: me oge me he ka ietra ûnyi ae kong waleji oge ûnykûme he ka ânyâ kodra can ûkongon anyidra ta je huliwa.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Jeremia 4:23

Oge me wâ hmeledrany, ke wâ bi, e ba hwenoiny, ke ba önyen; ke oge me wâ drany ae ba but melam.

Jeremia 4:6

Ogöranyâ thö boûdila hnyi Ziona, kec dö ka hnyi dok ae khötkic, ca tot bi: anyin oge me he ka hom okongon ûheny hnyi hwadro, me hnaûhango ae gan hmâ.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 7:3

Walang hna ha hnö Iehova tuhan sabaoth Khongu Isaraela, ka habe, Ânyâwia wia thö debun je gethen, me je hwakecibun; me oge me he ka olabʼ öbun hnyi dok ang.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 18:23

Haingen Than Iehova, ka habe, Hawa oge me senyin e ka mok at ae kong? ke hawa oge me ca senyin bi e ka he ka hmetu ûnyi hnyi ta je hwakecin me me möt?

Jona 3:8

ke adre me he ka khavâ tavat me meno ge mano ae gan nân, ke tenge hwege thʼ öbun ka Khong: eke, hamödra he ka ve hwio ûnyi hnyi dedra ta ge gethen ae kong, me ûnyi hnyi ûkonguny anyin je hnyamödra.

Mika 2:3

Anyin a wale walang hna ha hnö Iehova, ka habe, Wâ bi, oge me ûnykûme ûnyi ae kong ka lap ang, mʼ öbun e ca he ka thang je nyibun ûnyi hnyin, ke öbun e ca he ka he kököm; anyin a ûen ang ae kong.

Zakaria 1:3

Anyin a wale ha thö kodra, ka habe, Walang hna ha hnö Iehova tuhan sabaoth ka habe, Hmetu ju könya, me oge me he bi nya ka hmetu köbun, haingö Iehova tuhan sabaoth.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Iakobo 4:13

E, öbun tavat öbun e ha, ka habe, Haba bong ang me nyi ate me he ka he ka hnyi taun eling, me laba eling hnyi khaca huna, he ka ûcû me heleû omjeû;

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.