Jeremia 18:10 - Iaai Bible 1901 (New Caledonia)

¹⁰ ame ne ânyâ hulo hnyi hnyimakök, me ca löng ifucik, awe, oge me he ka ietra so, waleji oge ha he ka ohnahici ödra hnyin.

Jeremia 18:10 ပူးပေါင်းရင်းမြစ်များ

Salamo 125:5

Ke haba tavat adre me saû ka hnyi ta je gethen ae hwali, Ame he Iehova ka hum ödra he ka tha he me tavat adre me ânyâ hulo. E so e e hon Isaraela hnahic.

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Ezekiela 33:12

Ke haba u, nokon at lö, ha thö ka lakon em hnyei, ka habe, Ame ca he hwakecin ae wisa anyin at ae wisa ka omelo e hnyi ûen monu a e; ke haba hwakecin ae kong anyin at ae kong, me ame ca he ka ota e hnyi bong e ame hmetu ûnyi hnyi anyin hulo; kʼ ame ca he ka möt bi at ae wisa hwakecin hnen e hnyi bong e ame ânyâ hnyin hulo.

Ezekiela 33:18

E ka hwio at ae wisa hnyi hwakecin ae wisa, me ânyâ hulo, e ame he ka mekiny e.

Ezekiela 45:20

Ke u me he ka ânyâ helâe hnyi bong a seveniny tehi hobi kâu at ame hau, ke hobi kâu at ae ba hnyok: mʼ öbun e he ka bi hwaban melen uma helâe.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Numera 14:23

awe, adre me ca he ka wâ hnyei waleji oge khemanyin ka lakamödra, kʼ ame ca he ka wâ e hnen tavat adre me hûkötiö nya:

Numera 14:34

Helâ me ûseiny je bong öbun e ecmâkâ hnyin hnyei, a fâte je bong, me haba khaca bong ame he ka khaca huna, kʼ öbun e he ka hijen tilâ anyibun hulö, hnyi je huna a fâte, ke öbun e he ka wâhmakhmetoâ hnok hna hwio.

I. Samuela 13:13

Me Samuela ame ha kö Saulo, ka habe, E monu ûnyi u je ânyâ: u je ca tuö hnanyibu anyi Iehova Khongom, waleji e ame huna köu: ame we Iehova ka ohmâ dokhom dökhu hnyi Isaraela nyiele balua.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.

I. Samuela 15:35

Ke ame ca o hmetu Samuela kö Saulo ke ne o but hnyi bong e ame mokcu hnyin: ke Samuela ame tengiö Saulo; ke Iehova ame ietra hna otilö Saulo ka thaniny at Isaraela.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.