Jeremia 17:9 - Iaai Bible 1901 (New Caledonia)

⁹ Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 17:9 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

II. Samuela 11:15

Ke e ame sihnalimen hnyi tusi, ka habe, Ip Uria ju cicö dok adre vat hwege hnyin, me hna but e, mʼ adre me kot, me me mokcu.

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Salamo 64:7

Ke Khong ame he ka fanʼ ödra; Adre me he ka ie aat dö ge fana.

Ta je Vejec 28:26

E monu at ame ka labageju ka hnyi hnyekon bi: Ke haba at ame vheno wisa, me ame he ka möt.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mareko 2:17

Ke a long ut Iesu, me e ame ha kodra, ka habe, E ca ûnyi hnathu at ae tren bubuny ka tavat ae hwege, ke so bi ka tavat ae mok: oge me ca o but he ka hawâ tavat ae wisa, ke tavat bi ae kong, mʼ adre me ietra.

Roma 1:21

anyin a khanʼ ödra but Khong, ke adre me ca ogânâ bi, e me ûcû me Khong, ke adre me ca oleâ minya bi; ke adre me omonoâ je ûnykûmenödra, me ölidrâ je hnyekudra ae kong.

Roma 7:11

anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt: