Jeremia 17:8 - Iaai Bible 1901 (New Caledonia)

⁸ Anyin a e ame he ka helâ me ûö adre tā hnyi ta je köiö, ame iyâû je wân ka hnyi wagewe, ke ame ca he ka hlohlo, e ka o bi kahwa, ke ame he ka hât ta je lan; ke ame ca he ka hmak hnyi huna ae ba hnyin we, ke ame ca menâ bi wa.

Jeremia 17:8 ပူးပေါင်းရင်းမြစ်များ

Jobu 29:19

Ame iyâû anyik je wân ka hnyi köiö, Ke ame mokut dân hau hon vheik hnyi hnyinghet hia:

Jobu 8:16

E hât, ke tiga ca o bi seûno, Kʼ ame he ka iyâû je vheiny hon hnen hna belökâ.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Ta je Vejec 11:28

Haba at ame labageju ka tang omjeû me ame he ka ta: Ke ame he tavat ae wisa ka hlau helâ me lan ûö ae hât.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 39:18

Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.

Ezekiela 31:3

Wâ bi, haba at Asuria, me arasiny Lebanona ae hmanenang anginy, ke gan hmenon, ke beû göranyai, ke haba ban, me walethö hnyi je ûlâ.

Ezekiela 47:12

Ke haba hnyi li baten wagewe hnyi ke keihen me ke keihen me ame he ka kû ta je ûö hia hnân an wan, ae ca meleca lan ke ca ba wan: ame he ka wa wan ae teb ûnyi hnyi je tehi hia, anyin ame hingölö köiö ûnyi hnyi dok ae kap; ke hnân an je wan, ke hnân bubuny je lan.