Jeremia 17:3 - Iaai Bible 1901 (New Caledonia)

³ Anyik bucen hnyi utkânâ lö, oge me he ka ham ânyâm ta je ûnyi me je tang omjehem hia, hnân söh, me ânyâm je dok ae gorany hnyi ta je hnyigöulâm hia thithö, can hulo.

Jeremia 17:3 ပူးပေါင်းရင်းမြစ်များ

II. Je Than 24:13

Ke e ame hom but ûheny e ta je omjeûiny hia uma umo Iehova, me je omjeûiny uma umen than, me susubâ je kaia gol hia waleji a ânyâ Solomona than Isaraela hnyi uma umo Iehova, helâ me Iehova ame ha.

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 15:13

Oge me he ka ham manâm man me tang omjehem hnân söh ke ca ge hwaban, ke can bi ânyâm je hulo hia hnyi je hnyigöulâm hia.

Jeremia 20:5

Ke haba khaca oge me he ka hna tang omjeûiny taun ang, me ta je troban gan, me ta je ûnyi ae ûnyi hnathu hnyin, eke, ta je omjeû anyin je than Juda hia, oge me he ka ham ka hnyi hnyamen ta je iwahnaihmiony mödra, ke adre me he ka sei ödra, me hum ödra, me tha he mödra Babulona ai.

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Je tenge anyi Jeremi 1:10

Haba iwahnaihmiöny ame inâ hnyamen ka hnyi anyin ta je ûnyi hia ae kese: Anyin e ame hia but wâ je wanaithila a gʼ adre me hia but dit ka hnyi anyin dok ae kap, Waleji u je ha a gʼ adre me ca he ka dit ka hnyi ânyâm ûkhacaköu.

Ezekiela 16:39

Ke oge me he ka hnö u ka hnyi hnyamödrin, kʼ adre me he ka thö umâm uma ae nua, me hagutâ ânyâm je dok ae görany; ke adre me he ka un dö je khâuâm, me hom je ohmanenangâm ae meic: ke adre me he ka hnö u ke ba ûkhaû ke ba ûnyi gam.

Ezekiela 23:46

Anyin a walang hna ha hnen Than Iehova, ka habe, Oge me he ka oû ködru deö at, me hna he ka oveci ödru me söh.

Ezekiela 6:3

ma ha, ka habe, Je buceniny Isaraela lö, long ju hofuc hwan Than Iehova, ka habe, Walang hna ha hnen Than Iehova, ka je bucen, me je hut, me je wadeny köiö, me je hnyigöuleny bucen, ka habe, Wâ bi, inya oge me he ka oâ köbun hele vat, ke oge me he ka ohia anyibun je dok ae gorany.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zefania 1:13

Ke ame be ka hnân söh bi je omjehedra, ke ame he ka ba wan umödra je uma: eke, adre me he ka op je uma ke adre me ca he bi ka labâ; adre me he ka belöki vine, ke adre me ca he bi ka ic wainainy.