Jeremia 17:22 - Iaai Bible 1901 (New Caledonia)

²² ke ca he öbun ka hok ûnyi ûnyi hnyi umöbun je uma hnyi bong sabath, ke ca ânyâ bi ke huliwa, ke so öbun e okâbâ bong sabath, helâji me hnok hna hûna ka lakamöbun;

Jeremia 17:22 ပူးပေါင်းရင်းမြစ်များ

Nehemia 13:15

Haba hnyi ûen eling oge me wâ hnyi Juda keihen adre me hlec wan vine hnyi sabath, me hok je bwiny hwit, me ohijenâ je asina; me waina minya, me je wan vine, me je wan meta, me je hok hia wale adre me sukhöûnâ Jerusalema ai hnyi bong sabath: ke oge me thawʼ ödrin hnyi bong ödrin e ûcû jeû hnyin.

Esodo 23:12

Hnyi ta bong a siks u ma he ka ânyâ je hûdrâm, ke haba hnyi bong a seveniny u me he ka menâ: me me hnyi menâ halem bolok, me halem asina, me me he ka ohwegiâ hmeto nokon athnyabaem a momo, me atkanyua.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Jeremia 17:24

Ke öbun e ne ti ling nya, haingö Iehova, me ca hom bi ke ûnyi ka hnyi je homagouleny taun ang hnyi bong sabath, ke öbun e ne okabâ bong sabath me ca huliwa hnyin e;

Ezekiela 20:12

Ke oge me ham minya kodra anyik je sabath, hnân haten könya mödra, me me khanʼ ödra a inya Iehova at ame okabi ödra.

Ezekiela 22:8

U je hia but hûkotiâ hnok je hna okabâ, me okongoâ anyik je sabath.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 23:3

Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Luka 23:56

Ke ödrin e hmetuhmetu me penapena ta je ûnyi ae bo so me je muro. Ke ödrin e menâ ju hnyi sabath helâ me hnanyibu.

Luka 6:5

Ke e ame ha kodra, ka habe, Nokon at a Tuhan sabath minya.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,