Jeremia 17:18 - Iaai Bible 1901 (New Caledonia)

¹⁸ E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 17:18 ပူးပေါင်းရင်းမြစ်များ

Jobu 16:14

E ame kiö nya me osehia ohmoucö nya; E ame gâ thö huk helâ me at hwege.

Salamo 35:4

E so he ka hmehma me laba ûhnyûkong tavat adre me elâm hanuk: E so he ka ohmetuhmeto me omonumonu ödra adre me beokongu nya.

Salamo 35:8

E so ame ie utut kâu hnaûhango; Ke so e he ka hnok hnen hnewe e ame ikhâlâ: E so e ame ta ka hnyi hnaûhangö eling.

Salamo 40:14

E so adre me he ka hmehma me tha monumonu Tavat adre me elâm hanuk he ka ohia e: E so adre me he ka ohmetuhmeto me ohmehma Tavat adre me senyin ge hna okongu nya.

Salamo 70:2

E so adre me hmehma me monumonu Tavat adre me elâm hanuk: E so adre me ohmetuhmeto ödra me ohmehmʼ ödra Tavat adre me senyin he ka okongu nya.

Salamo 71:1

IEHOVA lö, oge me labageju köu: Iny na ca he bala ju ka hmehma.

Jeremia 1:17

Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Jeremia 11:20

Ke Iehova tuhan sabaoth lö, at ame owisa wia, at ame cubec je ûnykûme me hnyok, e so oge me wâ hna bi hwaban kodra gam: anyin oge hia but omanenâ hok hofuc köu.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 17:16

Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

Jeremia 17:19

Walang hna ha könya hnö Iehova, ka habe, He thö ka tot hnyi homagouleny je lakon tavat, wale hnen je tuhan Juda hna didro me didrut hnyin, me hnyi je homagouleny hia Jerusalema;

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Deuteronomi 33:11

Iehova lö, ohnahicâ tang omjehen, Ke kap huliwa anyin li hnyamen bi: Kot oâ ju je hnyin tavat adre me tot metâ kâu. Me tavat adre me hûkötiâ, mʼ adre me ca tot hmetu.

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.