Jeremia 17:14 - Iaai Bible 1901 (New Caledonia)

¹⁴ Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 17:14 ပူးပေါင်းရင်းမြစ်များ

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 109:1

KHONGON hnok hna ogânâ lö, ca laba hnyibû bi.

Salamo 119:94

Ânyâm inya, omeli nya; Anyin a o ge me elâm ânyâm ta je hnanyibu.

Salamo 12:4

Waleji tavat adre me ha, ka habe, Ame he ka tuhmun ge je bohmöhmun; E unyihmun bi je esongodihmun; ia tuhöhmun?

Salamo 148:14

Ke e ame hia but ogöranyâ faoiny meno anyin lakeiny, Wale hna ogânâ hnen anyin wakap. A hnen laku Isaraela, hnyei ae hakekeny kâu. Oganö Ja thʼ öbun.

Salamo 54:1

KHONG lö, omeli nya thö ûnyi hnyi iâm, Ke owiso nya thö hnen tang hwegiâm.

Salamo 6:2

Iehova lö, betenge ju gak; anyin a meleca thö unyik; Iehova lö, ometu nya, anyin ame öbubuny je jeien unyik.

Salamo 6:3

Kʼ ame ot gan hmâ hanuk: Ke haba u Iehova, me ieû ûen gam?

Salamo 6:4

Iehova lö hmetu jem, me omelo hanuk: Omeli nya ûnyi ge ânyâm ibetengiö.

Salamo 60:5

E so u ma omelo ge hnyamâm a metâm, me ling ohmun ju. Me me möt ut tavat u me betenge gadra,

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 31:18

E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Numera 12:13

Ke Mose ame tenge kö Iehova, me ha, ka habe, Khong lo, ö u omelö thö momo walang ang.

Mataio 14:30

Ke e ame wâ ang, me e ame ot; ke e ame hwân he ka û, me e ame kuku me ha, ka habe, Than lö, omeli nya.

Mataio 8:25

Me ödrin e he me bwebwelâ e, me ha, ka habe, Taböny Than lö, omeli otin dö; otin e he but ang ka mok.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Deuteronomi 10:21

E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.