Jeremia 17:13 - Iaai Bible 1901 (New Caledonia)

¹³ Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 17:13 ပူးပေါင်းရင်းမြစ်များ

Salamo 22:4

Haba lakamöhmun adre me labageju köu: Adre me labageju, me u je omeli ödra.

Salamo 69:29

Ke iny vec me hlöuhlöu: Khong lö, e so he ka ogöranyi nya thö ge ânyâm ûhomeli.

Salamo 71:5

Iehova lö, Than, u thibi hnok hna laba gejon; Oge me labageju köu, hwân kʼ iny tiga hidröu.

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Ta je Vejec 10:7

E so he ka ûnykûme ka at ae wisa: Ke ame he ka bobot ien at ae kong.

Ta je Vejec 14:14

Ame he at ame saû hnyekon ka sekon ge deny ta je gethen: Kʼ ame he at ae so ka sekon a ka ûnyi gan bi.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 14:8

Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Jeremia 17:17

E so u me ca bi hnân ot könya; u thibi hnok hnabâ hnyi bonginy vec.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 17:5

Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 50:7

Ame hia but ön ödra hnen tavat hia adre me ö ʼdra: ke haingen je iwahnaihmiony mödra, ka habe, Ohmun ca kong anyin adre hia but ânyâ hulo kö Iehova, a hnyaban wisa, wale Iehova hna gejon hnen lakamödra.

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 36:32

Oge ca ânyâ e can öbun, e so öbun e tremângâ e, haingen Than Iehova: hamöbun he ka hmehma me hlohlo can ta je hwakecibun, lap anyi Isaraela.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ta je huliwa 28:20

Can e oge me hawʼ öbun he ka iouny me ûhnenamö mönya: anyin a can gejon anyin at Isaraela adre me cö nya ge tö fao eang.

I. Timoteo 1:1

INYA Paulo aposetolo anyi Iesu Keriso, hoton musi anyin Khong, At a omeli öta, me Keriso Iesu, hnöta hna geju kâu;

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.