Jeremia 17:11 - Iaai Bible 1901 (New Caledonia)

¹¹ Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Jeremia 17:11 ပူးပေါင်းရင်းမြစ်များ

Jobu 20:21

E ba kolon waleji e ame ca han dö; Anyin a wale ame ca he ka tethmâ anyin sot.

Salamo 49:13

Haba hwakecidra eling me wale anyidra monu: Kʼ ame he bi tavat a bilidra ka haisoâ hnödra hna ha. [Sela.

Salamo 55:23

Khong lö, u ma he ka hagutʼ ödra ka hnyi thopiny bobot: Haba tavat behingâlâ dra me tavat iyawo me adre me ca he bi ka möt hnyi hafiny bongudra je bong; Ke oge me he ka labageju köu.

Ta je Vejec 13:11

Haba omjeû adre me ie hom, me ame he ka hia tot bi: Kʼ ame he ka osehia hnen at ame ûkhöûnâ deny huliwa.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

Ta je Vejec 21:6

Adre me ne bi hanen omjeû ge bohmen ae thoi, Me wale hai ame tûâ, ke hnewe adre me mekiny.

Ta je Vejec 23:5

Hawa, u me he ka wâ hmâ ûnyi ae ba önyen? Anyin a haba je omjeû, me ame labö bi labenyin, Helâ me aeto at ame gâ dranyai.

Ta je Vejec 28:16

Haba than ame ca wâ ûnykûme, me e at ame ovecâ: Ke haba at ame hûkotiâ behnyokâ omjeû, me ame he ka osehia bongon ta je bong.

Ta je Vejec 28:20

Haba at ae hnathu me ame he ka ti hu je hnahic: Ke haba at ame ie behu omjeû me ame ca he ka ba hwaban.

Ta je Vejec 28:22

Haba at ae khot hnyimakan me ame ie hnu hoton omjeû, Ke ca khana a gʼ ame he ka o kâu theduoc.

Ta je Vejec 28:8

Haba at ame osehia anyin ta je ûnyi ge hnen hna më ham hnân heleû troban me bi gânâ, E ame ûkhöûnâ hobi kâu bi at ame betenge ge ta je theduoc.

Jeremia 22:13

Ekölö gan at ame op umen uma hnyi hwakecin ae ca wisa, me je hnyeuleny hnyi hwakecin ae ca ûcû: at ame kap huliwa ge tavat me ca bi hwaban bi, ke ame ca ham kâu troban;

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Amosa 3:10

Anyin e ca khanʼ ödra he ka ânyâ ûnyi ae ûcû, tavat adre me ûkhöûnâ ûokonguny me hna söh hnyi umödra je uma ae hmanenang, haingo Iehova.

Mika 2:9

Ke öbun e obâ omomoiny ik hnyei hnyi umödra je uma ae hmanenang; öbun e hûgûnâ anyik hmanenang ge lakudra nyiele balua.

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Zefania 1:9

Ke hnyi bong eling oge me he ka bi hwaban kodra hia, a tavat adre me gâ hanyâûâ hwanuma, tavat adre me öunöngötâ je uma umen je tuhödra ge ûkonguny me thoi.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

I. Timoteo 6:9

Ke haba tavat adre me wedra he ka tren omjeû adre me ta but ka hnyi ûcûbic me hnewe me ta je weny ae monu me hnân okongo, wale hnân odilâ tavat hnyi ûohia me hnaûhango.

Tito 1:11

e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.