Jeremia 17:10 - Iaai Bible 1901 (New Caledonia)

¹⁰ Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 17:10 ပူးပေါင်းရင်းမြစ်များ

I. Je Than 8:39

awe, u na long ju hnyi drany, a hnyabam, me hna monu bi, me ânyâ, me ham ka tavat hia hoton dedrin je gethen, ke u je wâhmakhmetoâ hnyekudrin; (anyin a hake u thibi at ame wâhmakhmetoâ hnyekon lakon at hia;)

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

II. Man Ûlabainy Je Than. 6:30

awe, ö u long ju hnyi drany a hnyabam, me hna, me ham ka tavat hia thithö helâ me dedrin je gethen, ke u je wâhmakhmeto je hnyekudrin; (anyin a hake u ke thibi at ame wâhmakhmeto hnyekon tavat;)

Jobu 34:11

Anyin a e ame he ka bi hwaban huliwa anyin at, Me ve oâ ka tavat hoton hwakecidrin.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Salamo 44:22

Eke, can iâm adre me hlingʼ öhmun hnyi je bong hia; Kʼ âdre me öû öhmun helâ me je mamoe hnân hlingâ.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Salamo 7:10

E unyin Khong singik, At ame omelo tavat ae wisa hnyekudra.

Salamo 7:9

E na hu obiny ju monu anyin tavat ae kong, ke otethmâ ju at ae wisa: Anyin a Khong at ae wisa ame elâm ta je hnyok me ta je ûnykûme.

Ta je Vejec 12:14

Ame he at ka sekon ge so hnen wan hnyimen bi: Ke haba troban li hnyamen at, me ame he ka hmetu kâu.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Isaia 59:18

E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Jeremia 11:20

Ke Iehova tuhan sabaoth lö, at ame owisa wia, at ame cubec je ûnykûme me hnyok, e so oge me wâ hna bi hwaban kodra gam: anyin oge hia but omanenâ hok hofuc köu.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 20:12

Iehova tuhan sabaoth lö, at ame cubec tavat ae wisa at ame wâhmakhmeto je hna ûnykûme me je hnyok, e so oge me he ka wâ hnâm hna bi hwaban kodra; anyin oge hia but omanenâ köu hok hofuc.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 32:19

e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Ezekiela 11:5

Ke ame o but könya hanu Iehova, ke e ame ha könya, ka habe, Ha thö, ka habe, Walang hna ha linö Iehova, ka habe, Lap anyi Isaraela lo, walang hobun hofuc; anyin a oge me wâ but ta je ûnyi ame kû eû hnyi je hnyekubun.

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Mika 7:13

Ke ame be ka ba wan hnyei can hulo anyin tavat adre me labâ e, me wale troban anyidra ta je huliwa.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 6:4

me me iyong hnâm hna ham betenge: me haba Kâmâm at ame wâ hnyi dok ae iyong ame he ka bi hwaban köu.

Ioane 2:25

ke ca ûnyi hnathu kâu a gʼ ame he at ka omanenâ hwakecin at; anyin a e ame wâhmakhmetoâ ta je ûnyi eû hnyi hnyin at.

Ta je huliwa 1:24

Me adre me hic me ha, ka habe, Taböny Than lö, u at ame wâhmakheto ta je hnyok hia thithö, omanenâ thö kohmun at u me he ka ûca ge li at ang,

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Roma 8:27

ke haba at ame elâm ta je hnyok, me e ame wâ ûnykûmanen Hanu, anyin a e ame sumat hobi kâu tavat ae kap hoton weny Khong.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.

Hna Omanenâ 22:12

Wâ bi, oge me he ka ie o; ke e unyik hwaban, he ka ve ham ka tavat e ûcû me anyidra ta je huliwa.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.