Jeremia 17:1 - Iaai Bible 1901 (New Caledonia)

¹ ADRE hia but sihnalimen hulo anyi Juda ge pen fao, me homakan samira: adre kave hnyi viny je hnyekudra, me hon je baitoiny anyibun je taben hut;

Jeremia 17:1 ပူးပေါင်းရင်းမြစ်များ

Ta je Vejec 3:3

E so e ca hia gam ibetengiö me hnathu: Vekiny ju li ûnyi e hnyi nyem; Ke sihnalimen ju hnyi laulauiny hnyekom:

Ta je Vejec 7:3

Ca ju ka hnyi je banyâm; Sihnalimen ju hnyi laulauiny hnyekom.

Isaia 49:16

Wâ bi, oge hia but khavi hnalimâm hnyi li hnyamok; e bala bi hnyi hnyimakök ta je bahebetâm.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 2:22

Eja ke ne u je ne söû soda, me hom gânâ sop, e bala bi hnyi hnyimakök ânyâm hulo, haingen Than Iehova.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Hosea 8:11

Haba Eferaima ame hia but osehia je taben hut he ka ânyâ monu, anyin a wale e hu hulo gan can je taben hut.

Levitiko 4:25

Ke hamen at bi hut be ka hom ke ong dra dren hudiny hulö, ge banyen, me kina hnyi je baitoiny taben leû hut, kʼ ame he ka hingâlâ dren hmelen taben leû hut.

Zakaria 7:12

Eke, adre me wia je hnyekudra me me helâ me samira, mʼadre me ca long bi hnanyibu, me je hofuc ho Iehova tuhan sabaoth, waleji a kunâ hnen hanon a deny je perofeta a bân: anyin a wale ame o but hmonyin ae gan ûnyi ga Iehova tuhan sabaoth.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.