Jeremia 16:6 - Iaai Bible 1901 (New Caledonia)

⁶ Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 16:6 ပူးပေါင်းရင်းမြစ်များ

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 24:2

Ke walang bongon ame he ka o, khaca thibi tulut ka tavat me at bi hut; khaca thibi tulut ka athnyaba me tuhan; khaca thibi tulut ka athnyaba momo me momo a tuhan; khaca thibi tulut ka at ûco ke ûnyi me at kap hwaban gan; khaca thibi tulut ka at ame mē ham ke ûnyi me at ame mē sumâtâ e; khaca tulut ka at ame mē ham mone ge hwaban me at ame mē hom mone ge hwaban.

Jeremia 13:13

Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 41:5

me ame o but tavat a eite ûhedra Sekema me Silo me Samaria, adre giâ je waidra, me kia anyidra je ûkhaû, me ka kavi ödra bi, adre me hom je bwihlany me libanu ka hnyi uma umö Iehova.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Levitiko 19:27

Ca he öbun ka giâ li halelöû hnyi hobun, me okongoâ baten waiâm.

Levitiko 19:28

Ca he öbun ka sei hon komok hnyi je unyibun, me thâ je unyibun: Inya Iehova.

Amosa 6:11

Anyin a wâ bi, Iehova ame hûna, ke adre me he ka kot uma ae gan, me me amam but, ke uma ae ûhnyûkong me me khekhe but.

Mataio 9:23

Ke ame o but Iesu ka hnyi uma umen at musi, me wâ hnyat ödrin e tûö köwi, me tavat ae se adre me mede,

Deuteronomi 14:1

ÖBUN je laku Iehova Khongubun: ca be öbun ka kavi öbun bi, ke ca he öbun ka ohadreûâ bademaköbun hnyi wanben li emaköbun adre ânyâ can komok.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.

Hna Omanenâ 6:15

Ke haba ta je thaniny hmeledrany, me ta je tuhan, me je taben vat ae nua, me tavat tren omjeû, me tavat ae hwege, me ta je athnyaba hia, me tavat he baû hia, adre me ve ikhölö hnyi je hmonop me je khūth hnyi ta je bucen;