Jeremia 16:4 - Iaai Bible 1901 (New Caledonia)

⁴ Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 16:4 ပူးပေါင်းရင်းမြစ်များ

II. Je Than 9:10

Ke ame he je kuli ka on Jezebela hnyi ke keihen Jezerela, ke ba at ame he ka konâm. Me e ame khong ut hwanuma me kec.

Salamo 78:64

Ame ta but anyidra tavat bihut ge hele vat; Kʼ ame ca tengiʼ ödra hnen anyidrin ta je safac.

Salamo 83:10

Waleji adre ohiʼ ödra hnyi Eni-dora; Adre me wiʼ ödra me me helâ me tatet hobi kâu kânâ.

Isaia 18:6

Kʼ adre me he ka tha hna degecâ e ka ta je meno ame gâ adre me behan hon je bucen, me omenoiny hnyot: ke ame he ta je meno ame gâ adre me behan ka laba e hnyi honivakeny, kʼ ame he omenoiny hnyot hia ka laba e hnyi hnyeun.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 21:6

Ke oge me he ka kot aten taun ang, wale a at me meno: adre me he ka mok ge mok ae gan, wale mok cap.

Jeremia 25:33

Ke haba hnyi bong eling ame he ka e bi ta je hani Iehova ka e hnyi ke can hmeledrany ke ne o but ka hnyi ke can hmeledrany: adre me ca he ka tenge gadra, me hlu ödra, me konâm; ke adre me he ka hnân tatet hon kânâ.

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Jeremia 34:20

awe, oge me he ka ham ödra ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra: ke ame he ta je unyidra ka hnân an ta je meno ame gâ, me ta je menoiny hnyot.

Jeremia 36:30

Anyin a wale walang hna ha hnö Iehova ga Jehoiakima than Juda, ka habe, Ame he ka ba hwaban hnân tabâ theron anyi Davita: ke adre me he ka khûâ unyin ae mok ka hnyi kahwa hnyi lany me megic hnyi hnyinghet.

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Jeremia 44:27

Wâ bi, oge me hmakʼ ödra mʼ adre me kong, me ca so bi: ke adre me he ka aû but hia at Juda a ödra hnyi hnyei Aigupito ge hele vat me hmiâ, ke ne o but ame ba but.

Jeremia 7:33

Ke ame he je unyin tavat ang ka hnân an je meno ame gâ ethö, me je menoiny hnyot; ke ba at ame he ka bwebwelâ.

Jeremia 9:22

Ha thö, ka habe, Walang hna ha hnö Iehova, ka habe, Ame he tavat adre mokcu ka ta hnyi ta hnyei helâ me tatet, me helâ me je thi hwit hwaban at ame subâ, ke ba at ame he ka hlu ödra.

Je tenge anyi Jeremi 4:9

E so tavat adre me hlingâ ge hele vat hon tavat adre me mok ge hmiâ; Anyin a ödra aû but, adre kot moko, anyin a ba but wan kânâ.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 5:12

Ke ame he ke keihâm a kuniny ka mok ge mok ae cap, ke ame he ka oaûʼ ödra hnyi wanbâm ge hmiâ; ke ame he ke keihâm a kuniny ka ta ge hele vat igigili u; ke haba ke keihâm oge me he ka oveseâ ka hnyi ta je ang hia, ke oge me he ka oc hele vat he ka hnu ödra.

Zefania 1:17

Ke oge me he ka ovecâ tavat, mʼ adre me he ka he helâ me je wadröu, anyin adre hia but ânyâ hulö kö Iehova: ke adre me he ka hingâlâ drö-dra helâ me sesâ, me utioidra minya helâ me tatet.

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

Deuteronomi 28:26

Ke haba unyâm bi me an omeno hia ame gâ ethö, me omenoiny hnyot, ke ba at ame he ka alen.