Jeremia 16:19 - Iaai Bible 1901 (New Caledonia)

¹⁹ Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 16:19 ပူးပေါင်းရင်းမြစ်များ

I. Je Than 20:23

Ke haba lakeiny than Suria ödrin e ha kâu, ka habe, haba khongudrin, me, khongon je hnyei ae hut; waleling mödrin e hwege hutin: ke otin ka he ka vat mödrin hnyi hnyebuba, me otin e he bi ka hwege hudrin.

Salamo 18:3

Oge me he ka hongot kö Iehova, at ae ûcû hnân oganâ: Me ame he ka omeli nya ûnyi ge je iwahnaihmiony mönva.

Salamo 19:14

E so e me he je hofuc hnyi hnyimök me je hna ûnykûme eû hnyi hnyekuk ka ûcû but hnyi hnyimâkâm, Iehova, kicik, at ame omeli nya.

Salamo 27:5

Anyin a haba hnyi ûen vec e ame he ka ikhölö nya hnyi umen uma menâ: E ame he ka tubi nya hnyi dok ae iyong hnyi umen uma mano; E ame he ka ip nya hon kic.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Salamo 62:2

E thibi kicik me at ame omeli nya: E thibi anyik tap ae beû goranyai: adre me ca he ka ti bwebweli nya.

Salamo 62:7

E bi unyin Khong melik me hmanenangik: Kicik ae hwege me hnok hnabâ unyin Khong.

Salamo 65:3

E hwege huk ta je ûnyi ae kong: Haba hnöhmun ta je hna hanyâûâ u me he ka kot degecâ.

Salamo 68:31

Ame he ka o but je than ûhedra Aigupito; Ame he Aithiope ka ie inâ li hnyamen ka Khong.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 44:10

Ie at ame tibet ke khong, me okoiâ ke hnatheat ae ba troban?

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 62:2

Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

Jeremia 10:3

Anyin ae ûnyi baû bi hwakecin ta je hnyei: anyin a ke at ame sö ûö hnyi hnyot, huliwa anyin li hnyamen at huliwa ge gö.

Jeremia 10:5

Ödra ûcû me pama adre kave, ke ca khana bi fuc: adre me labö vadren, anyin ae ca khana he. Ca he bi ka outʼ ödra; anyin ae ca khanʼ ödra he ka okongo, ke haba khaca, me ca khanʼ ödra bi he ka ânyâ so.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 14:8

Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Jeremia 17:17

E so u me ca bi hnân ot könya; u thibi hnok hnabâ hnyi bonginy vec.

Jeremia 2:11

Hawa, e hu hnyei ame wia je khongon, ke ca je khong bi? ke so bi, a hia but lakeik wia anyidra hmanenang, mʼ adre me hom bi ûnyi ae ba troban.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Ezekiela 11:16

anyin a wale, ha thö, ka habe, Walang hna ha hnen Than Iehova, ka habe, Eja ke ne oge ne hia but ûsâkâû ödra unyin je hnyei, ke eja ke ne oge ne hia but ovesei ödra unyin je hnyei, oge me he bi nya ka dok ae kap kodra hnyi ûen ae ûhnyûkong hnyi je hnyei adre me he ka o ka hnyin.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Nahuma 1:7

E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Habakuka 3:19

Iehova Than me wale tang hwegiök, E ame wia li cak me me helâ me can je aila, Kʼ ame he ka ovhenu nya hnyi anyik je dok ae görany. Hobi kâu at ame vhik khumöng hnyi Neginoth.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Roma 1:25

anyin a adre me wia thö hnathu anyin Khong me me thoi bi, me khudrung me huliwa ka ke ûnyi adre op, kʼ at hna bi At a Up ödra, wale a hnân haisoâ nyiele balua. Amen.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.