Jeremia 16:17 - Iaai Bible 1901 (New Caledonia)

¹⁷ Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 16:17 ပူးပေါင်းရင်းမြစ်များ

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Jobu 10:14

Oge ne ânyâ hulo, u me bi hatök Ke u me ca he ka hnö nya but ge anyik hulo.

Jobu 31:4

Hawa, e ame ca wâ dek je gethen, Me aû hia hnok hna okca?

Salamo 109:15

E so e he ka e bala ta je ûnyi e hnyi hnyimakö Iehova, Me me be ka subâ degecâ ûnyi eang hmeledrany hna ûnykûme kodra.

Salamo 139:3

U je elâm wia dek gethen me hnok hna mokut, Me khenenâ dek ta je gethen hia.

Salamo 33:15

Wale at ame op ta je hnyekudra hia, Ame ûnykûme anyidra ta je huliwa hia.

Salamo 51:9

Ikhâlâ ju hnyimâkâm ge anyik ta je hulo, Ke kot degecâ but anyik ta je monu hia thithö.

Salamo 90:8

U je hia but ip anyihmun ta je monu hnyi hnyimâkâm, Me ta je monu gahmun ae iyong hnyi melaminy hnyimâkâm.

Ta je Vejec 15:3

Ka e bi li emakö Iehova hnyi ta je dok hia, E ame wâ so me kong.

Ta je Vejec 5:21

Anyin ae cicö li emakö Iehova ta je gethen deny at, Ke e ame tuluto deny ta je gethen hia.

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 2:22

Eja ke ne u je ne söû soda, me hom gânâ sop, e bala bi hnyi hnyimakök ânyâm hulo, haingen Than Iehova.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 32:19

e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Jeremia 7:11

Hawa, op umen tavat venöu hnyi hnyimaköbun uma eang wale adre ip hon e iök? Wâ bi inya oge wâ but, haingö Iehova.

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Zakaria 4:10

Ke ie at ame hia but hûkötiâ bonginy ûnyi ae ûhnyûkong? anyin a haba hnyat ang a seven, a je emakö Iehova, me ödrin e he ka senyin ödrin ka wâ tulut tot hnyi hnyamö Zerubabela; ke ödrin e vheno hmeledrany hia.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.