Jeremia 16:16 - Iaai Bible 1901 (New Caledonia)

¹⁶ Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Jeremia 16:16 ပူးပေါင်းရင်းမြစ်များ

Genese 10:9

E at ae hwege he ka hnu ta je meno hnyi hnyimakö Iehova: waleling mʼ adre me ha, ka habe, Helâ me Nimeroda at hwege he ka hnu ta je meno hnyi hnyimakö Iehova.

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 7:19

Ke adre me he ka o hia me tabâ je thop ae ba aten, me je esopiny kic, me je ûö oe ûdedö hia, me je hnaonying hia.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 4:29

Ame he taun hia ka kec ge hwan tavat tabô hors, me tavat hlic fana; adre me kec ka hnyi hnyot, me ölö hnyi kic: adre me he ka hna degecâ je taun hia, ke ba at a khaca ame he ka labā.

Jeremia 49:5

Wâ bi oge me he ka oâ ot köu, haingen Than Iehova tuhan sabaoth, ûnyi gadra hia tavat adre me igigili u; ke adre me he ka obʼ öbun hnyi je ve cici öbun bi, ke ame he ka ba at he ka hlo tavat adre me he monu.

Jeremia 6:9

Walang hna ha hnö Iehova tuhan sabaoth, ka habe, Adre me he ka hlo je kolon Isaraela helâ me hnyei vine: hmetu ju hnyamâm ka hnyi je tangen, helâ me at ame tau je wan vine.

Je tenge anyi Jeremi 4:18

Adre me cet je nyeûcahmun, me ca khanʼ ohmun he ka vheno dehmun je gethen: E hakekeny jut obiny kohmun, a bekhot ut bonguhmun ta je bong, anyin ame o but obiny kohmun.

Je tenge anyi Jeremi 4:19

E logot tavat adre me hnu ohmun hon ta je aetöiny drany: Adre me hnu ohmun hon je bucen, adre me khöu mokut hnyi hnyebuba kohmun.

Hosea 10:10

Iny ka wek oge me be ka bi hwaban kodra; ke ame he je hnyei ka ûkhacaköu ûcûdra, ödra ka cʼ ödra can anyidra li monu.

Amosa 4:2

A hia but Than Iehova khemanyinâ hwakecin ae kap, a gʼ ame he ka o but köbun je bong adre me he ka hum öbun ge ta je bâlet, me lelö kolon gabun ge je wage.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

I. Samuela 24:11

Ke haba khaca, wâ bi, cica lö, me wâ bi obiny ânyâm ûkhaû eang hnyi hnyamok: ke oge me subâ obiny ânyâm ûkhaû me ca hlingö u, anyin a wale khanö u thö me wâ a e ba ûnyi ae kong me hulö unyik, ke ca kong hwakecik köu, eja ke ne u je ne elâm melik he ka ohia.

I. Samuela 26:20

Ke walang ang ca he ka hingâlâ drök ka hnyi kânâ hnyi hnyimakö Iehova: anyin ame he jem tuhan Isaraela he ka elâm outo ame fifica, helâ me hwakecin hnu meno ame gâ hon bucen.