Jeremia 16:13 - Iaai Bible 1901 (New Caledonia)

¹³ anyin a wale oge me he ka obʼ öbun hnyi hnyei ang ka hnyi hnyei ae ca khanʼ öbun, öbun, me je lakamöbun; ke öbun e he ka bi athnyaba eling ka ke je khong hnyi lany me lit; ke oge me ca he ca betenge gabun.

Jeremia 16:13 ပူးပေါင်းရင်းမြစ်များ

II. Je Than 25:21

Ke haba than Babulona ame hlingʼ ödrin hnyi Ribela, hnyi hnyei Hamath. Me adre me hom hwenbâ Juda ûnyi hnyi idrin hnyei.

II. Man Ûlabainy Je Than. 7:20

me oge me he bi nya ka oc degeci ödrin ûnyi hnyi ik hnyei wale oge ham ködrin; ke haba uma ang wale o ge hia but okabâ hobi kâu iök me oge me he ka degec ûnyi hnyi hnyimakök, me oge me he ka wia e hnân ûhöûcû me hluma hnyi ta je hnyei hia.

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

Jeremia 10:18

Anyin a walang hna ha hnö Iehova, ka habe, Wâ bi, oge me he ka kûlûâ helâke me veto, tavat adre me labā hnyei walang ang, me hom ûhnyûkongu ödra, me me khanʼ ödra thö.

Jeremia 14:8

Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 15:14

Ke oge me he ka tha ohei ödra me je iwahnaihmiony möu ka hnyi hnyei ae ca khanö u: anyin ame ubâhlâ meic hnyi anyik hmonyin, ke ame he ka thong hubun.

Jeremia 15:4

Ke oge me he ka hnʼ ödra ka hnyi hlohlo hnyi ta je dökhu hia eang hmeledrany, jöni Manase nöku Hezekia than Juda, can hnen hna ânyâ hnyi Jerusalema.

Jeremia 16:5

Anyin a walang hna ha hnö Iehova, ka habe, Ca didro ka hnyi uma tenge, ka ca he bi ka hnyi tenge thungaû, ke ca mâng gadra; anyin oge hia but hom anyik hnahicʼ ûnyi ge hnyei ang, wale ibetengiö me betenge vec, haingö Iehova.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 22:26

Ke oge me he ka obö u me hinyâm at a hnöku u ka hnyi ke hnyei bi, waleji adre ca hnöku öbun hnyin; ke öbun e he ka mok eling.

Jeremia 22:28

Hawa, kaia kânâ ae hmouca adre me hûkotiâ at ang, wale a Konia? hawa, e kaia a ca hnân senyinâ? anyin a ieû adre digic ödra, e me je mâtrâniny, ke adre obʼ ödra ka hnyi hnyei ae ca khanʼ ödra bi?

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Deuteronomi 28:36

Ame he Iehova ka tha hum u, me tuhâm a at u me otilâ hom, ka hnyi hnyei ae ca khanö u, a u me lakâmâm; ke u me he ka bi athnyabainy eling ke je khong a uto me veto.

Deuteronomi 29:28

ke Iehova ame oc degeci ödra hnyi könödra kânâ hnyi hmönyin me hnyi û, me hmönyin ae gan, kʼ ame obʼ ödra ka hnyi ke hnyei bi, helâ me hnyi bong ang.