Jeremia 16:12 - Iaai Bible 1901 (New Caledonia)

¹² ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 16:12 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 22:28

Hawa, kaia kânâ ae hmouca adre me hûkotiâ at ang, wale a Konia? hawa, e kaia a ca hnân senyinâ? anyin a ieû adre digic ödra, e me je mâtrâniny, ke adre obʼ ödra ka hnyi hnyei ae ca khanʼ ödra bi?

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Je tenge anyi Jeremi 5:7

A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

Ezekiela 20:30

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hawa, öbun e okongu öbun minya hoton hwakecin lakamöbun? ke hawa, öbun e bi ûnyi monu hoton anyidra ta je ûnyi ae ikiki?

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Malaki 3:7

Hwân hnyi je bong bonginy je lakamöbun öbun e hna degecâ anyik je hnanyibu, me ca tuö e. Hmetu ju öbun könya ke oge me he ka hmetu köbun, haingö Iehova tuhan sabaoth. Ke haingöbun, ka habe, Ohmun e he ka hmetu ka hnyi ieû?

Mareko 7:21

Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Deuteronomi 9:27

ûnykûme ju lathnyabaem, Aberahama, me Isaaka, me Jekob; e so u me ca wâ hwakecin ae ûjöng anyin tavat eang, me hwakecidra ae kong, me anyidra hulö:

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Owisa 2:19

Ke a mokcu at owisa, me Ödrin e hmetu me okongu ödrin bi hon hwakecin lakamödra me hnu hoton je khong me bi athnyabaidrin me khudrung ködrin; ke adre me ca degec anyidrin je huliwa me hwakecidrin ae ûjöng.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.