Jeremia 15:2 - Iaai Bible 1901 (New Caledonia)

² Ke adre me ne he ka ha köu, ka habe, Ohmun a he kâ? u me he ka ha kodra, ka habe, Walang hna ha hnö Iehova, ka habe, Haba at hobi kâu mok, me ame ka he bi ka hnyi mok; ke haba at hobi kâu hele vat, me ame ka he bi ka hnyi hele vat; ke haba at hobi kâu hmiâ, me ame ka he bi ka hnyi hmiâ; ke haba at hobi kâu bâ, me ame ka he bi ka bâ.

Jeremia 15:2 ပူးပေါင်းရင်းမြစ်များ

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 43:11

Ke e ame he ka o me kot hnyei Aigupito; ke haba at hobi kâu mok, me ame ka he bi ka mok, ke haba at hobi kâu bâ, me ame ka he bi ka bâ, ke haba at hobi kâu hele vat, me ame ka he bi ka hnyi hele vat.

Ezekiela 12:11

Ha thö, ka habe, Inya ang haten köbun: adre me he ka ânyâ kodra helâ me hnok hna ânyâ: adre me he ka he ka hnyi ke hnyei, ka bâ.

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 33:27

Walang hofuc u me he ka ha kodra, ka habe, Walang hna ha hnen Than Iehova, ka habe, Kia inya inya a haba ödra hnyi je dok ae hwahwacit adre me he ka ta ge hele vat, ke haba at ae hnyi ta hnyei, oge me he ka ham e ka je meno me me an e, ke haba ödra a ödra hnyi je hnabâ me je op, adre me he ka mekiny mok ae cap.

Ezekiela 5:12

Ke ame he ke keihâm a kuniny ka mok ge mok ae cap, ke ame he ka oaûʼ ödra hnyi wanbâm ge hmiâ; ke ame he ke keihâm a kuniny ka ta ge hele vat igigili u; ke haba ke keihâm oge me he ka oveseâ ka hnyi ta je ang hia, ke oge me he ka oc hele vat he ka hnu ödra.

Ezekiela 5:2

Haba ke keihen a kuniny, u me he ka thong ge meic hnyi wanben taun, e ka um dö je bonginy thelöng; ke u me he ka hom ke hanen a kuniny me kokot tilâ ge hele vat; ke haba ke hanen bi a kuniny, me u ma khûâ ka hnyi ang, ke oge me he bi nya ka oc hele vat he ka hnu hoton.

Daniela 9:12

Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Zakaria 11:9

Me haingök, ka habe, Oge me ca he bi nya ka ha ö ʼbun: haba at ame he bi ka mok, me ame ka e bi ka mok; ke haba at adre me he ka subâ degecâ, me adre me ka he bi ka subâ degecâ; ke haba kolon, me so ame he ka ve an vidrin hnen keihen.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.