Jeremia 15:19 - Iaai Bible 1901 (New Caledonia)

¹⁹ Anyin a wale, walang hna ha hnö Iehova, ka habe, U je ne he ka hmetu, me oge me he ka hum u, ke u me he ka tot hnyi hnyimakök: ke u je ne he ka oc ut ûnyi ae ûnyi hnathu ûnyi hnyi ûnyi ae ikiki, u me he ka helâ me hnyimök: adre me he ka hmetu köu, ke u me ca he ka hmetu kodra.

Jeremia 15:19 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

Esodo 4:12

Ke walang ang he thö, me oge me he ka tha inya me hnyimâm, me nö u hofuc he ka ha.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 35:19

anyin a wale, walang hna ha hnö Iehova tuhan sabaoth, Khongu Isaraela, ka habe, Ame ca he ka ba mâtrâni Jonadaba, nöku Rekaba, he ka tot hnyi hnyimakök nyiele balua.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 6:29

Ame sâ hwege ûnyi hnân tûâ meic; ke haba meic ame an led; ame ânyâwia bâûâ hnen at ame leû fao; ke adre me ca oc degecâ tavat ae kong.

Je tenge anyi Jeremi 1:11

Adre me mâng ta je aten hia, adre me heleû jeû; Adre hia but ham anyidra ta je ûnyi ae kese hnân ûcû jeû, mʼ adre me ohâtâ melidra: Iehova lö, bwele ju, ke wâ ju; anyin oge kong ut.

Ezekiela 2:7

Ke u ma he ka ha kodra hok ta je hofuc, kʼ adre me ne he ka long, kʼ ame ne ba: anyin a ödra tavat ûkhiny fuc hmonyin.

Ezekiela 22:26

Haba anyin tavat bi hut adre me hia but hanyâûâ anyik hnanyibu, me okongoâ hnok je hna okabâ: adre ca hia but ve bongon ûnyi ae kap me ûnyi ae monu, ke adre me ca hia but ve okhana tavat ge ûnyi ae bo kong me ûnyi ae bo so, me mûko je emaködra ge anyik je sabath, ke inya at adre okongoâ hnyi wan-bödra.

Ezekiela 44:23

Ke adre me he ka nâ lakeik ge bongon ûnyi ae kap, me ûnyi ae ca kap, me owâhmakhmeto ödra ge ûnyi ae bo kong, me ûnyi ae bo so.

Levitiko 10:10

mʼ öbun e he ka ovebongonâ ûnyi ae kap me ûnyi ae ca kap, a bo kong, me bo so;

Levitiko 14:57

mʼ adre me he ka wâhmakhmeto at ame bo kong, me at ame bo so: wale hnanyibuiny lepera.

Jona 3:2

Todrö me he Neneve ai, a taun ae gan, me khetâ ka hnyin, hnok hna hûna köu he ka khetâ.

Zakaria 3:7

Walang hna ha hnö Iehova tuhan saboath, ka habe, U je ne he ka vheno dek je gethen, me tuö hnok je hna otilâ, me u me he ka owisa umök uma, me tuö je hnyeulek, ke oge me he ka ham köu dok he ka vheno unyin tavat adre me tot eû.

Luka 1:19

Haba angela ame thu kâu, ka habe, Inya ang Gaberiela at ame tot hnyi hnyimakan Khong; a khunö nya he ka ha köu, me omanenâ köu ûthumetu eang ae so.

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 12:12

anyin ame he Hanu Kap ka nʼ öbun ge ûnyi hnân he ka ha hnyi ûen eling.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Ta je huliwa 20:27

Anyin oge me ca höcö omanenâ köbun ûnykûmânen hia Khong.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Galatia 2:5

ke öhmun e ca mita bi ködrin hnyi awa a khaca; me me tethmâ unyibun hnathuiny evangelia.

Heberu 5:14

Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,