Jeremia 15:15 - Iaai Bible 1901 (New Caledonia)

¹⁵ Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Jeremia 15:15 ပူးပေါင်းရင်းမြစ်များ

Nehemia 13:22

Me oge me kunâ at Levi he ka obosoi ödrin bi, mʼadre me he ka tuö je homagöule, me okabâ bong sabath. Khong lö, ûnykûmi nya ju hnyi ûnyi eang minya, me betenge gak helâ me ûganiny ânyâm ibetengiö.

Nehemia 13:31

me hobi kâu hudiny uto, hnyi ûen adre owisa, me wan a bân. Khonguk lö, ûnykûmi nya ju, me ohnahici nya.

Nehemia 5:19

Khonguk lo, ûnykûmi nya ju mʼ inya hnahic, e ûcû me ta je ûnyi hia wale oge me ânyâ ka tavat ang.

Nehemia 6:14

Khong lö, ûnykûme ju kö Tobia, me Sanebalata helâ me anyidru je huliwa ang, me kö Noadia perofeta momo, me je kolon je perofeta hnyat ödrin e besoti nya.

Jobu 10:7

Ke so bi e khanö u a inyʼ ca at ao kong; Ke ba at ame he ka hûgûnâ ûnyi hnyi hnyamâm?

Salamo 102:24

Haingök, ka habe, Khonguk lö, ca he ka hum nya hnyi wanben bonguk ta je bong: Haba je hunaiâm, me, wale hnyi ta je dö hia.

Salamo 106:4

Iehova lö ûnykûmi nya ju hel me hnâm hna labö betenge ka lakem; U na senö nya ju ge ânyâm ûhomeli:

Salamo 119:84

Ve ta bong bonginy athnyabaem? Ieû ûen u me he ka bi hwaban ka tavat adre me oveci nya?

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Salamo 39:13

Ö u hwio thö gak, mʼ inye he ka hwege hmetu, Inye tiga ca he but, me hia but.

Salamo 44:22

Eke, can iâm adre me hlingʼ öhmun hnyi je bong hia; Kʼ âdre me öû öhmun helâ me je mamoe hnân hlingâ.

Isaia 38:3

me ha, ka habe, Iehova lö, u na he ju ka ûnykûme walang ang hnok hna he hnathu hnyi hnyimâkâm me hnyok ae wisa, ke ânyâ so hnyi hnyimâkâm. Ke Hezekia ame tenge hwege.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 15:10

Ekölö gak, bai lö, anyin a u je hnokoâ at ae iwatretra, ke at ivino me hmeledrany hia! oge ca hia but më ham mone hnân troban, ke haba khaca adre ca më ham mone könya hnân troban; ke so bi, ödra hia adre me hangö nya.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Jeremia 17:16

Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

Jeremia 18:23

Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Jeremia 20:12

Iehova tuhan sabaoth lö, at ame cubec tavat ae wisa at ame wâhmakhmeto je hna ûnykûme me je hnyok, e so oge me he ka wâ hnâm hna bi hwaban kodra; anyin oge hia but omanenâ köu hok hofuc.

Jeremia 20:8

Anyin a hnyi ûen oge me fuc, oge me kuku; oge me hongot, ka habe, Ûokonguny me söh: anyin adre wia hofuc ho Iehova, me hnân haikongu nya, me ûhiö hnyi je bong hia.

Je tenge anyi Jeremi 3:64

Iehova lö, u me he ka bi hwaban kodra hoton huliwa anyin je hnyamödra.

Je tenge anyi Jeremi 3:66

U me he ka hnu ödra hnyi hmonyin, me ohiʼ ödra eang hmeledrany anyi Iehova.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Luka 21:17

Ke ame he tavat hia thithö ka hûköti öbun can iök.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 8:35

Ie at ame he ka öûsâkâû öta me ibetengiö anyin Keriso? hawa, vec, hlöuhlöu, hna sela, hmiâ, he thu, outen mok, hele vat?

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

II. Timoteo 4:14

E gan monu ame ânyâ könya Alesanedro, at ame leû fao kapa: kʼ ame he Than ka bi hwaban kâu e ûcû me anyin huliwa:

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

Owisa 16:28

Haba Samasona ame haö Iehova, ka habe, Iehova Khong lö, ö u ûnykûme könya, me okhaca hmetu bi owhegiö nya, Khong lö, me inye he ka bi hwaban li emakök ka at Filisiti.