Jeremia 15:10 - Iaai Bible 1901 (New Caledonia)

¹⁰ Ekölö gak, bai lö, anyin a u je hnokoâ at ae iwatretra, ke at ivino me hmeledrany hia! oge ca hia but më ham mone hnân troban, ke haba khaca adre ca më ham mone könya hnân troban; ke so bi, ödra hia adre me hangö nya.

Jeremia 15:10 ပူးပေါင်းရင်းမြစ်များ

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

Salamo 109:28

E so adre me he ka hahnaûhangö, ke so u ma he bi ka ohnahicâ: Ödra ka tot, me adre me he ka hmehma, ke ame he athnyabaem ka senyin.

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Salamo 69:4

Ödra se hia but hon leûnen bok tavat adre me hmiödra inya ke ba can: E hwege tavat adre me behlingö nya, wale je iwahnaihmiony mönya ge can ae ca hnathu: Waleling mʼ oge me ham hmetu ûnyi oge me ca hûgûnâ.

Esodo 22:25

U je ne he ka me ham mone ka lakeik unyâm at ae ba ta ûnyi, ca he ka helâ me at ame ham ge hwaban; ke u ca he ka hnei hwaban gan.

Ta je Vejec 26:2

Ame gâ monu meno, me gâ baû wahalep, Ke helâe ame ca he bi ka man ûhangö baû.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Levitiko 25:36

U me ca he ka kap hwaban me troban ûnyi gan; ke u ma outen Khongom; me me tha laba mou liamekeiny mou.

Levitiko 25:37

U me ca he ka ham kâu ânyâm mone ge hwaban, me ham kâu âm ge troban.

Habakuka 1:3

Anyin a ieû u je omanenâ kônya hulö, me wâ hwakecin ae hwali? ânyin a e hnyi hnyimakök hna söh me ûokonguny: ke e hu hna ivinö, ke adre me oâ iwatreta.

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Mataio 5:44

ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun;

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ta je huliwa 28:22

Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.