Jeremia 14:9 - Iaai Bible 1901 (New Caledonia)

⁹ Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 14:9 ပူးပေါင်းရင်းမြစ်များ

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Salamo 10:1

IEHOVA lö, ieû gam a u me tot sâkâû? Me lubaduöng hnyi je ûen ae vec?

Salamo 27:9

U na ca he ju ka ikhâlâ hnyimâkâm gak; Ca he ka obâ athnyabaem hnyi hmonyin: U thibi at ame labö hadruo nya; Khong lö, at ame omeli nya, ca he ka hota degeci nya, me hnö nya but.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 59:1

WÂ bi, e ca okhulit benyi Iehova me me ca khana he ka omelo; ke ca wejeji li hnyikonyen me me ca khana he ka long:

Isaia 63:19

Öhmun e helâ me tavat u je ca musi ödra adrem balua; ke helâ me tavat adre ca ip iâm hudra.

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Jeremia 8:19

Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Habakuka 1:2

Iehova lö, oge me he ka khöû köu ke ne o but kehö, ke u me ca ling nya bi? oge me tenge köu ge ûokonguny, ke u me ca omelö bi

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Numera 11:23

Ke Iehova ame ha kö Mose, ka habe, Hawa, ame hwân ka okhulit hnyamö Iehova? u me he ka wâ walang ang, ame ne he ka āt, ame ne ca he ka āt hok hofuc.

Ta je huliwa 15:17

Madre me he ka elâm Than hnen ta je kolon tavat, Me Aten ke je hnyei hia wale adre hwenyi iödra ûnyi hnyi iök,

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

Deuteronomi 28:10

Ke ame he je hnyei hia eang hmelen ka wâ a gʼ adre ip iö Iehova hom; mʼ adre me he ka outö o.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin:

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.