Jeremia 14:8 - Iaai Bible 1901 (New Caledonia)

⁸ Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Jeremia 14:8 ပူးပေါင်းရင်းမြစ်များ

Salamo 10:1

IEHOVA lö, ieû gam a u me tot sâkâû? Me lubaduöng hnyi je ûen ae vec?

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 46:2

Anyin a wale ate me ca he ka ot, eja ke ne adre ne okebongonâ hmeledrany, Me hom je bucen ka hnyi wanben je köiö;

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 71:5

Iehova lö, Than, u thibi hnok hna laba gejon; Oge me labageju köu, hwân kʼ iny tiga hidröu.

Salamo 9:9

Ame he Iehova ka bi hnabâ hobi kâu tavat adre me sedʼ ödra, Hnabâ hnyi je bonginy vec;

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 43:11

Inya thibi Iehova, ke ba ju ke at ûhomeli, ke hake inya ke.

Isaia 43:3

Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 45:15

E hnathu u Khong ame ikhölö, Khongu Isaraela, at ûhomeli.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 50:7

Ame hia but ön ödra hnen tavat hia adre me ö ʼdra: ke haingen je iwahnaihmiony mödra, ka habe, Ohmun ca kong anyin adre hia but ânyâ hulo kö Iehova, a hnyaban wisa, wale Iehova hna gejon hnen lakamödra.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Ta je huliwa 28:20

Can e oge me hawʼ öbun he ka iouny me ûhnenamö mönya: anyin a can gejon anyin at Isaraela adre me cö nya ge tö fao eang.

I. Timoteo 1:1

INYA Paulo aposetolo anyi Iesu Keriso, hoton musi anyin Khong, At a omeli öta, me Keriso Iesu, hnöta hna geju kâu;

Owisa 19:17

Ke e ame bwele me wâ hnyi getheniny taun at ûheny hnyi hna he; ke haingen hingat, ka habe, u me he kâ? ke ûhem ua?