Jeremia 14:7 - Iaai Bible 1901 (New Caledonia)

⁷ Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 14:7 ပူးပေါင်းရင်းမြစ်များ

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Salamo 115:1

IEHOVA lö, ca köhmun bi, ca kohmun bi, E so bi he ka hna hna olungâ ka iâm, Ûnyi hnyi ânyâm betenge me ânyâm hnathu.

Salamo 25:11

Iehova lö, ûnyi hnyi iâm bi, Hna but anyik hulo, anyin ae gan hmâ e.

Salamo 79:9

Khongon melihmuu lö, hadruʼ ohmun dö can hmanenanginy iâm: Ke thong ohmun dö, me ohia anyihmun je hulo ge iâm,

Isaia 48:11

Gak, gak bi, oge me he ka ûnyâ e; anyin a ieû adre me he ka haikongoâ iök î ke oge me ca he ka ham anyik hmanenang ka ke at.

Isaia 59:12

Anyin ae se hia hnöhmun je hna hanyâûâ hnyi hnyimâkâm, ke ame hai öhmun anyihmun je hulo: anyin a e bi unyihmun hnöhmun je hna hanyâûâ, ke e khanʼ öhmun dut anyihmun ta je monu:

Jeremia 10:19

Ekölö ge hnok aat! ame han gan hmâ: ke haingök, ka habe, E hnathu wale anyik bi vec, ke oge me he ka hokhnyokâ.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 5:25

Hnen hwakecibun ae kong hna ohavâ bi ta je ûnyi eling ke hnen anyibun je hulo hna thelöng so.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 20:22

Ke so bi oge me ohmeto hnyamok, kʼ oge me huliwa can iök, me me ca he ka kong e hnyi hnyimakan je hnyei, waleji oge me hum ödra hnyi hnyimakodra.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Amosa 7:2

Ke hnyi ûen adre hia but an hia önyi-nginy hnyei, me oge me ha, ka habe, Than Iehova lö, ö u thang degecâ hulo: ama kâmâu Jekob he ka tot? anyin a e ûhnyûkong.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Efeso 1:12

mʼ adre me he ka wiʼ öta hnân ogânâ anyin hmanenang, a öta hnyat a böta ka gejon ka Keriso:

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Deuteronomi 32:27

Ke so bi oge me outen hmönyin anyin iwahnaihmiony, Wâ e nye ca wâhmakhmeto iwahnaihmiöny mödra, Wâ adre nye ha, ka habe, Adre hia but hai hnyamöhmun, Ke Iehova ame ca ânyâ ta je ûnyi hia ang.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?