Jeremia 14:3 - Iaai Bible 1901 (New Caledonia)

³ Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 14:3 ပူးပေါင်းရင်းမြစ်များ

II. Samuela 15:30

Ke Davita ame ölö hnyi getheniny bucen Elaio, me ölö me tenge tot; ke adre tube ban, ke ba tangen linyeûca: ke haba tavat hia adre me tha he mē, ödrin e ve tube je bodrin, me ölö me tenge tot.

II. Samuela 19:4

Ke haba than ame tube hnyimakan, me than ame tenge hwege goranyai, me ha, ka habe, Ekölö ge nökuk Abasoloma, ekölö Abasoloma, nökuk, nokuk!

I. Je Than 17:7

Ke haba hwaban ta je bong, ame hme thö wagewe, anyin ae ba we hnyi hnyei.

II. Je Than 18:31

Ca he öbun ka ling Hezekia: anyin a walang hna ha hnen than Asuria, ka habe, Öbun e he ka ûsoköu mönya, me he könya; mʼ öbun e he ka ve ijem wan anyibun je vine, me wan anyibun je meta, me ve ijem je an öbun e koû;

Esetera 6:12

Ke haba Modikai ame hmetu ka hnyi homagouleny than. Ke haba Hamana ame he logot ka hnyi umen uma, ame hmak hnyekon me tube ban.

Jobu 6:20

Ödrin e hmehma anyin a ödrin e labagejon; Ödrin e o but kâe me ame gâ udrin.

Salamo 109:29

E so he ka khavâ te je iwahnaihmiöny mönya ge hmehma, Ke so adre me tubi ödra bi ge ilitmak helâ me ûkhaû.

Salamo 40:14

E so adre me he ka hmehma me tha monumonu Tavat adre me elâm hanuk he ka ohia e: E so adre me he ka ohmetuhmeto me ohmehma Tavat adre me senyin ge hna okongu nya.

Jeremia 14:4

Adre me hmehma tavat trohnen, me tube je bödra, anyin a khekhe but kânâ, can ae ba we hnyi hnyei.

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:37

Ke u me he ka he ûhem e me li hnyamâm hon bâm: anyin a Iehova ame hna degecâ ta je ûnyi u me geju kâu, ke u me ca he ka sot gadra.

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Je tenge anyi Jeremi 4:4

Ame kece bohmen mendreng ka hnyi ecngödiny ge beic: Ta je wanakat adre me sumatö jeû, ke ame ca subâ kodra hnen ke at.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Joela 1:20

Eke, je menoiny hnyot adre me momokhon unyâm: anyin e hme but je deny köiö, ke a hia but meic! thong jeû an je meno hnyi hnyebuba.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Amosa 4:8

Waleling me me he lo li taun ame ne kun ka hnyi taun a khaca he ka ic köiö, kʼ adre me beic bala bi: ke so bi öbun e ca hmetu könya haingo Iehova,

Zakaria 14:17

Ke haba aten je lapiny hmeledrany adre me ca hnyi he bi Jerusalema ai he ka hnyi khudrung ka Than Iehova tuhan sabaoth, me ame he bi ka ba we hobi kodra.