Jeremia 14:22 - Iaai Bible 1901 (New Caledonia)

²² Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 14:22 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 17:14

Ke walang hna ha bnö Iehova Khongu Isaraela, ka habe, Ame ca he ka aû tap falawa, ke ame ca he ka hme tap wakaco, ke ne o but ka hnyi bong ame he Iehova ka kunâ we ka hnyi hon kânâ.

I. Je Than 18:1

KE hwaban je bong ae se, ame o but hofuc ho Iehova kö Elia, hnyi huna a kuniny, me ha, ka habe, He thö, ka omanenâ u bi kö Ahaba; ke oge me he ka kunâ we ka hnyi kânâ.

I. Je Than 8:36

awe, u na long ju hnyi drany, me hna monu anyin lathnyabaem, me lakem a Isaraela, u ka he ka nʼ ödrin ge gethen ae so he ka vheno gadrin; me ham we ka hnyi hon em hnyei, waleji u je ham ka lakem me me idrin.

Jobu 28:26

Hnyi ûen e ame ânyâ hnanyibu hobi kâu we, Me bi deny hucuceiny hwan than:

Jobu 5:10

Wale at ame ham we ka hnyi hmele drany, Me kunâ köiö ka hnyi hon ta je utkânâ:

Salamo 130:5

Inya oge me halubahing Iehova, ame ûlubahing hanuk, Ke inya oge me gejon hwan hofuc.

Salamo 135:7

E ame öliâ thö hai ûnyi hnyi je can hmeledrany; E ame bi hucuce hobi kâu we; E ame hom but ang ûnyi hnyi tang omjehen.

Salamo 147:8

At ame tube drany ge ta je ûlâ, Me penapena we hobi kâu hmeledrany, Me okûâ önying hon ta je bucen.

Salamo 25:21

E so he ka otilö nya hmâ hnen hwakecin ae ba hnyikongon me wisa, Anyin a inya oge me laba halubahingâm.

Salamo 25:3

Eke, ame ca he ka hmehma at ame halubahingâm: Ke ame he ka hmehma tavat adre me iyawö ke ba can.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 41:29

Wâ bi, ödra hia, e ûnyi baû me ba onyen anyidra je huliwa: ang thibi, me monu but anyidra ta je hnatheat adre okoiâ.

Jeremia 10:12

E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Jeremia 10:13

e ame fuc kʼ ame bwebwelâ ta je köiö ethö hnyi drany, ke ame öliâ hai ûnyi hnyi can hmeledrany; e ame ânyâ hucuce hobi kâu we, me hom ang ûnyi hnyi tang omjehen.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 10:3

Anyin ae ûnyi baû bi hwakecin ta je hnyei: anyin a ke at ame sö ûö hnyi hnyot, huliwa anyin li hnyamen at huliwa ge gö.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 5:12

Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Jeremia 51:16

e ame fuc me ame bwebwet bi ta je köiö hnyi drany, ke e ame oâ hai ûnyi hnyi je can hmeledrany; e ame op hucuce hobi kâu we, me oâ ang ûnyi hnyi tangen omjeû.

Hosea 2:7

Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Joela 2:23

Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Mika 5:6

Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Deuteronomi 28:12

Ke ame he Iehova ka khong köu tang omjehen ae so, wale drany he ka ota we hnyi ûen bi hnyi kânâm kânâ, ae ohnahicâ huliwa hia anyin li hnyamâm: ke u me he ka me ham omjeû ka ta je hnyei ae se, kʼ u me ca he bi ka me sumâtâ.

Deuteronomi 32:21

Adre hia but okûâ anyik ciâ can ûnyi a ca Khong bi; Adre hia but ohmönyini nya ge anyidra ta je ûnyi baû: Me oge me he ka okûâ anyidra ciâ ge je hnyat a ca hnyei bi; Oge me he ka ohmönyini ödra ge hnyei ae monu.