Jeremia 14:20 - Iaai Bible 1901 (New Caledonia)

²⁰ Iehova lö, e khanʼ ohmun dut anyihmun hulo, me hulo anyin lakamöhmun: anyin a ohmun e hia but ânyâ köu hwakecin ae kong.

Jeremia 14:20 ပူးပေါင်းရင်းမြစ်များ

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

Nehemia 9:2

Ke haba lakon Isaraela ödrin e ûsâkâûö me je atkanyua hia, me ûtitilen me haimemenâ anyidrin je hulo, me je monu anyin lakamödrin.

Jobu 33:27

E ame khumöng hnyi hnyimakan tavat, ka habe, Oge hia but ânyâ hulö, me hanyâûâ ûnyi ae wisa, Ke ba troban könya:

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Je tenge anyi Jeremi 1:20

Iehova lö, wâ ju; anyin a inya oge me vec; ame bwebwet hnyekuk; Ame hwio hynekuk eû hnyik; anyin oge hia but ûkhin fuc hwege: Haba hele vat ame oba lakon e hele, ke eiö hnyin uma e hu mok.

Je tenge anyi Jeremi 3:42

Ohmun e hia but hanyâûâ me thu musi; ke u je ca hna.

Je tenge anyi Jeremi 5:7

A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

Daniela 9:15

Ke walang ang, Than a Khonguhmun lö, at ame hom lakem ûnyi hnyi hnyei Aigupito ge hnyam ae hwege, ke adre olungi u helâe hnyi bong ang; öhmun e hia but ânyâ hulo, ke kong hwakecihmun.;

Amosa 7:2

Ke hnyi ûen adre hia but an hia önyi-nginy hnyei, me oge me ha, ka habe, Than Iehova lö, ö u thang degecâ hulo: ama kâmâu Jekob he ka tot? anyin a e ûhnyûkong.