Jeremia 14:2 - Iaai Bible 1901 (New Caledonia)

² Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Jeremia 14:2 ပူးပေါင်းရင်းမြစ်များ

Jobu 34:28

Mʼ ödrin e oâ kâu hwa tenge anyin tavat ae theduoc, Ke e ame long tenge anyin tavat adre me ovecâ.

Salamo 144:14

Hnyi ûen adre me hijen je hok ae gan haleta je bolok; Ke ba hmetu ûhagutö ka hnyi taun me hna utut hnyou ai, Ke ba hwatenge hnyi deta ta je gethen;

Esodo 2:24

Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 24:11

Adre me tenge eû hnyi gethen can waina; e lit ut senyin hia, e hia but hobâ anyin tavat.

Isaia 24:4

Ame hlöuhlöu tavat me meleca, ame sēnyin hmeledrany me meleca, adre me sēnyin je tavat ae be-önua hnyi hnyei.

Isaia 24:7

Ame tenge waina adre teb ânyâ, kʼ ame sēnyin vine, adre me mâng hia tavat ae hnyok senyin.

Isaia 3:26

Kʼ ame he je homagouleny ka tenge me hlöuhlöu; ke e ame he ka laba eû hnyi kânâ ke ba at unyin.

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 12:11

Adre hia but öba wan e; e ame tenge könya ke ba but wan; adre öba wan hnyei hia, anyin ae ba at ame ûnykûme eû hnyi hnyekon.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 18:22

E so adre me long tenge hnyi umödra je uma, hnyi ûen u me he ka ie oâ kodra deo vat; anyin adre hia but hiny thop hnân odili nya, me ikhâlâ je hnewe hnân li cak.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Jeremia 46:12

A long ut ta je hnyei ânyâm hmehma, kʼ ame unöngötö hnyei ge ûtengiâm: anyin a at ae hwege ame haû ge at ae hwege, kʼ ödru me tha ta ju.

Jeremia 8:21

Oge aat dö, anyin a aat dö hluiny ik hnyei: iny hlit ut ame o but könya uthmâhmâ.

Je tenge anyi Jeremi 2:8

Iehova ame hia but ûnykûme he ka ohia hna up veto anyin hluiny Ziona; E ame hia but lelö tulut, e ame ca thu hmetu hnyamen hnyi hnen hna ohia: Ke e ame kunâ singiny me hna up veto he ka tenge; kʼ ame tha sēnyin.

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Je tenge anyi Jeremi 5:10

E hlit ut unen je unyihmun helâ me wahnainyâ Anyin ae hoc hmiâ.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Joela 1:10

E ba but wan ta hnyei, ame tenge kânâ; anyin ae ba but hwit, a hme thö waina ae teb ûnyi, ke ba wakaco.

Joela 1:11

Hmehma ju öbun tavat belök, tenge thʼ öbun tavat huliwan vine, can hwit me bali; anyin ae kong ut hwit hnyi ta hnyei.

Joela 1:14

Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Joela 2:6

Ame öbu-buny tavat hnyi hnyimakodra; kʼ ame löhau ta je hnyimak hia.

Hagai 1:11

Ke oge me oi seûno ka hnyi kânâ, me ka je bucen, me ka hnyi hwit, me ka hnyi waina, me ka hnyi wakaco, me ka hnyi jeûiny kânâ, me ka at, me ka meno, me ka hnyi ta je huliwa hia hnen hnyam.

Zakaria 7:13

Ke e ame hongot, kʼ adre me ca long bi; helâe, adre me he ka hongot ke oge me ca he bi nya ka long, haingö Iehova tuhan sabaoth;

I. Samuela 5:12

Ke haba tavat a ca mokcu, a tabʼ ödra ohuc: ke ame he thö hnyi dranyai hwan utengien taun.

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.