Jeremia 14:19 - Iaai Bible 1901 (New Caledonia)

¹⁹ Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 14:19 ပူးပေါင်းရင်းမြစ်များ

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Jobu 30:26

Haba hnyi ûen oge me halubahingen so, me ame o bi könya ûnyi ae kong; Kʼ oge me labagejoâ lany, me ame o bi könya menekholom.

Salamo 78:59

Ke haba Khong ame long, me e ame hmönyin, Me ame ti ikikiâ at Isaraela:

Salamo 89:38

Ke u je hia but hna degecâ me ounyibaûâ, Ke u je hia but hmönyin ka at u je hû.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Jeremia 12:7

Oge hia but hna umök uma, oge hia but hna degecâ ik hnyei; oge hia but hna oûnykûmik ka hnyi hnyamen je iwahnaihmiony më.

Jeremia 12:8

Haba ik hnyei me helâ me lioüa hnyi hnyot: e ame fuc hwege könya; anyin a wale, oge hia but hûkotiâ e.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Jeremia 30:12

Anyin a walang hna ha hnö Iehova, ka habe, E ba eny ge ânyâm vec, ke gan hmâ hnâm aat.

Jeremia 30:13

E ba at ame he ka ivino hobi köu, mʼ adre me he ka lan u; e ba bubuny adre me melen unyâm.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Jeremia 6:30

Adre me he ka hwenyi iödra sileva adre degec, anyin a hia but Iehova digic ödra.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 8:15

Ate me halubahingen hnahic, ke ba bi so, ke ate me halubahingen ûen metu, ke wâ bi, hlohlo bi!

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Je tenge anyi Jeremi 2:22

U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Je tenge anyi Jeremi 5:22

Ke so bi u je hia but ti hna degeci ohmun, U je hmonyâm hmonyin kohmun.

Mika 1:12

Anyin a haba at ame laba hnyi Maroth, me ame kueny ka halubahingen hnahic: anyin ame utut ûnyi ae kong ûnyi ga Iehova ka hnyi homagouleny Jerusalema.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.