Jeremia 14:15 - Iaai Bible 1901 (New Caledonia)

¹⁵ Anyin a wale walang hna ha hnö Iehova ge ta je perofeta, tavat adre me perofeta hnyi iök, ke oge ca kunʼ ödrin, ke so bi, ödrin e ha, ka habe, Ame ca he ka hu hele vat me hmiâ hnyi hnyei ang: Awe, adre me he ka ohia je perofeta eling ge hele vat me hmiâ.

Jeremia 14:15 ပူးပေါင်းရင်းမြစ်များ

I. Je Than 22:25

Ke haba Mikaia ame thu, ka habe, Wâ bi, u me he ka wâ hnyi bong u me he ka didro ka hnyi hnyeule eiö hnyin he ka lubaduöng.

Jeremia 20:6

Ke haba u Pasur, me tavat hia adre me tha laba möu, öbun e he ka bâ: ke u me he ka o hnyi Babulona, me mokcu eling, me konim u eling, u me lahânâm hia, waleji u je perofeta thoi kodra.

Jeremia 23:30

Anyin a wale, wâ bi, ûcûk ta je perofeta, haingö Iehova, tavat adre me ivenâuköuâ hok ta je hofuc.

Jeremia 27:15

Anyin oge ca kunʼ ödra, haingö Iehova, ke adre me perofeta thoi hnyi iök; waleling me inye he ka obʼ öbun, mʼ öbun e he ka mok, öbun me je perofeta tavat adre me perofeta köbun.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Jeremia 8:13

Oge me he ka ti ohiʼ ödra, haingö Iehova: ame he ka ba wan hnyi je ivine, ke ame he ka ba wan meta, ke ame he ka meleca je lan; ke ame he ka hia gadra ta je ûnyi o ge hia but ham kodra.

Je tenge anyi Jeremi 1:19

Oge me hawâ je la wek, kʼ adre me iyawo nya: A mokcu anyik tavat bihut me wahingat hnyi taun, Hnyi ûen adre me heleû ö ʼdra, mʼ adre me mot hmetu.

Je tenge anyi Jeremi 2:20

Iehova lö, wâ ju, me ûnykûme ju waleji ge hnâm hna ânyâ e kâu! Hawa, ame he ka he bi je momo ka an ta je troban gadra, a je lakudra adre bwebwelâ hnyi li hnyamödra? Hawa, adre me he ka hlingâ at bihut me perofeta hnyi dok ae kap anyin Than?

Ezekiela 13:14

Ke oge me he ka kia hna up veto öbun e botro ge dröu adre me ca huliwan, me hagutâ e hnyikânâi, me me manen dut taben: ke e ame he ka ū, ke ame he ka hiʼ öbun hnyin e; ke öbun e he ka wâ a inya Iehova.

Ezekiela 13:15

Helâe oge me he ka ohwâdâ anyik wathethot hon hna up veto me tavat adre me botro e ge tap dröu adre ca huliwan; ke oge me he ka ha köbun, ka habe, E hia but hna up veto, me tavat adre me botro e;

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Ezekiela 14:10

Ke adre me he ka kap hwaban anyidra hulo: ame he ka tha ûcû hwaban ka perofeta me at ame elâm unyin;

Ezekiela 14:9

Ke a ne monu but perofeta me ha ke hofuc, inya Iehova at ame omono perofeta eling, ke oge me he ka inâ hnyamok hon e, me ohia e ûnyi hnyi ik hnyei a Isaraela.

Ezekiela 33:6

Ke ame ne wâ hele vat hnen at hmâkâ, kʼ ame ca tûâ trutru, me ba haten ka tavat, me ame o but hele vat me hlingâ ke at unyidra; me ame mekiny hwakecin ae kong, me oge me he ka elâm dren bi unyin at hmâkâ.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Deuteronomi 18:20

Ke haba perofeta ame he ka ha sheshamökâ ke hofuc hnyi iök, waleji oge me ca hûna kâu he ka ha; kʼ ame ne fuc hnyi ien ke je khong, awe, ame he ka mok perofeta eling.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio: