Jeremia 14:14 - Iaai Bible 1901 (New Caledonia)

¹⁴ Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 14:14 ပူးပေါင်းရင်းမြစ်များ

Isaia 56:10

E wadröu but tavat tue unyin, ödra tavat hia thithö ae ca metâ bi; ödra je kuli hia thithö ae hum, e ca khanʼ ödra, kuku; a tavat bwi, me leleû, tavat bemokot.

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Jeremia 20:6

Ke haba u Pasur, me tavat hia adre me tha laba möu, öbun e he ka bâ: ke u me he ka o hnyi Babulona, me mokcu eling, me konim u eling, u me lahânâm hia, waleji u je perofeta thoi kodra.

Jeremia 28:11

Ke haba Hanania ame ha hnyi hnyimakan tavat hia, ka habe, Walang hna ha hnö Iehova, ka habe, Helâe oge me he ka thamuâ hna ûhûkâlâköuâ anyi Nebukaneza than Babulona ûnyi hnyi hon nyin ta je hnyei hia, ke tiga ca um bi li huna. Ke haba Jeremia perofeta ame he but.

Jeremia 28:13

He thö ka ha kö Hanania perofeta, ke habe, Walang hna ha hnö Iehova, ka habe, U je hia but thamuâ hna ûhûkâlâköuâ a utö, ke u me he ka ânyâ ke je hna ûhûkâlâköuâ a fao me hnân hwaban.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 29:21

Walang hna ha hnö Iehova tuhan sabaoth, Khongu Isaraela, ga Ahaba nöku Kolaia, me Zedekia nöku Maseia li at ödru me perofeta thoi köbun hnyi iök, ka habe, Wâ bi, oge me he ka hnʼ ödru ka hnyi hnyamö Nebukaneza than Babulona, ke e ame he ka hlingʼ ödru hnyi hnyimaköbun.

Jeremia 29:31

Ûkhûnöng dö ka je bâ hia me ha, ka habe, Walang hna ha hnö Iehova ge Semaia at Nehelami, ka habe, Anyin a Semaia ame perofeta köbun, ke oge ca kunâ, ke e ame olabageju öbun ka hnyi thoi;

Jeremia 37:19

Ke ewa anyibun je perofeta adre me perofeta köbun me ha, ka habe, Ame ca he than Babulona ka o köbun, me hnyei ang?

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Jeremia 8:11

Ke adre hia but ometo ûhnyûkongo aat hnân hlu a lakeik me ha, ka habe, Hnahic ut, hnahic ut; ke ba bi hnahic.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Ezekiela 12:24

Anyin ame ca he hmetu ka hu omanenâ ae ûnyi baû, me bi khong ae iyawo hnyi wanben lap anyi Isaraela.

Ezekiela 13:2

Nokon at lö, perofeta thö ûcon ta je perofetainy Isaraela a tavat adre me perofeta, ke ha kodra tavat adre me perofeta ûnyi eû hnyi je hnyekudra bi, ka habe, Long ju öbun hofuc ho Iehova;

Ezekiela 13:23

anyin a wale öbun e ca he hmetu ka wâ ûnyi ae ûnyi baû, me bi khong: ke oge me he ka omelo lakeik ûnyi hnyi hnyamöbun: kʼ ame he ka khanʼ öbun a inya Iehova.

Ezekiela 21:29

Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Zakaria 10:2

Anyina a hia but ha thoi je idola, ke haba tavat bi khong adre hia but wâ thoi; ke adre hia but ha je bwi ae thoi, e ûnyi baû bi hnödra hna otubwelâ: anyin a wale adre me vheno je dedra helâ me je mamoe, adre me vec anyin ae ba at ame tuʼ ödra.

Zakaria 13:3

Ke ame ne perofeta hmetu ke at, ke ame ne ba kâu hnen kamen me hinyen, a li at ödre hnokoâ, ka habe, U me ca he ka möt; anyin a u me ha thoi hnyi iö Iehova: ke e ka perofeta, me ame he kamen me hinyen a li at ödre hnokoâ ka dâoâ e.

Deuteronomi 18:20

Ke haba perofeta ame he ka ha sheshamökâ ke hofuc hnyi iök, waleji oge me ca hûna kâu he ka ha; kʼ ame ne fuc hnyi ien ke je khong, awe, ame he ka mok perofeta eling.

I. Timoteo 4:2

hnen iyawo anyin tavat thoi, tavat ame le oûnykûmidra ge fao ae ōû;

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.