Jeremia 14:13 - Iaai Bible 1901 (New Caledonia)

¹³ Me oge me ha, ka habe, Ekölö Than Iehova! wâ bi, Je perofeta adre me ha kodra, ka habe, öbun e ca he ka wâ hele vat, ke öbun e ca he ka hu hmiâ: ke oge me he ka ham köbun eang ûsoköu ae ûnyi hnathu.

Jeremia 14:13 ပူးပေါင်းရင်းမြစ်များ

Isaia 56:10

E wadröu but tavat tue unyin, ödra tavat hia thithö ae ca metâ bi; ödra je kuli hia thithö ae hum, e ca khanʼ ödra, kuku; a tavat bwi, me leleû, tavat bemokot.

Jeremia 1:6

Me oge me ha, ka habe, Ekölö Than Iehova! wâ bi, e ca khanö nya he ka fuc: anyin a iny wanakat.

Jeremia 20:6

Ke haba u Pasur, me tavat hia adre me tha laba möu, öbun e he ka bâ: ke u me he ka o hnyi Babulona, me mokcu eling, me konim u eling, u me lahânâm hia, waleji u je perofeta thoi kodra.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 37:19

Ke ewa anyibun je perofeta adre me perofeta köbun me ha, ka habe, Ame ca he than Babulona ka o köbun, me hnyei ang?

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 5:12

Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Jeremia 5:13

ke ame he bi je perofeta ka helâ me ang, ke ca eû bi hnyidrin hofuc hwan Khong: adre me he ka ânyâ helâe kodra bi.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 8:11

Ke adre hia but ometo ûhnyûkongo aat hnân hlu a lakeik me ha, ka habe, Hnahic ut, hnahic ut; ke ba bi hnahic.

Ezekiela 12:24

Anyin ame ca he hmetu ka hu omanenâ ae ûnyi baû, me bi khong ae iyawo hnyi wanben lap anyi Isaraela.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.