Jeremia 14:12 - Iaai Bible 1901 (New Caledonia)

¹² Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 14:12 ပူးပေါင်းရင်းမြစ်များ

Jobu 27:9

Hawa, ame he Khong ka long hwakhöû E ka o kâu vec.

Ta je Vejec 1:28

Me adre me he ka tenge könya, ke oge me ca he bi nya ka thu; Adre me he ka elölöm nya, kʼ adre me ca he ka o nya:

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Ta je Vejec 28:9

Haba at ame wia hnyikönyen me me ca long bi hnanyibu, Me ikiki bi hijin hic.

Isaia 58:3

Haingodra, ka habe, Anyin a ieû öhmun e ânyâ ca ban ke u me ca wâ bi? anyin a ieû öhmun e ovecâ ta je hanuhmun, ke u me ca wâhmakhmeto? Wâ bi, hnyi bonginy anyibun ca han, öbun e hnu webun, ke hwege hûna troban anyibun je huliwa.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 21:6

Ke oge me he ka kot aten taun ang, wale a at me meno: adre me he ka mok ge mok ae gan, wale mok cap.

Jeremia 24:10

Ke oge me he ka kunâ kodra hele vat, me hmiâ, me mok ae cap, ke ne o but adre me oaûʼ ödra ûnyi hnyi hnyei oge ham kodra me lakamödra.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Jeremia 8:13

Oge me he ka ti ohiʼ ödra, haingö Iehova: ame he ka ba wan hnyi je ivine, ke ame he ka ba wan meta, ke ame he ka meleca je lan; ke ame he ka hia gadra ta je ûnyi o ge hia but ham kodra.

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

Ezekiela 14:19

Ke oge ne kunâ mok ae cap ka hnyi hnyei eling, ke hingâlâ anyik wathethot hon e, wale dra, he ka subâ degecâ ûnyi hnyin e at me omeno:

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Hosea 5:6

Adre me he ka he me elom Iehova me haledra je hnahat mamoe me kau; ke adre me ca he bi ka wâ e: e ame ka he me digic ödra.

Amosa 5:21

Iny höcö me hûkotiâ anyibun je bong bijeû, ke oge me ca he ka senyin hnyi anyibun je ûkhacaköu ae ûnyi hnathu.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Zakaria 7:13

Ke e ame hongot, kʼ adre me ca long bi; helâe, adre me he ka hongot ke oge me ca he bi nya ka long, haingö Iehova tuhan sabaoth;

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Hna Omanenâ 6:8

Ke inya oge me wâ, ke wâ bi hors ae löhau: ke Mok ien at a tabâ: ke Hedis ame tha he hoton. Ke adre ham ködru musi he ka hlingâ ke keihen hmeledrany a vakiny, ge hele vat, me hmiâ, me mok, me je meno ae ûhûlû hnyi hmeledrany.