Jeremia 14:10 - Iaai Bible 1901 (New Caledonia)

¹⁰ Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 14:10 ပူးပေါင်းရင်းမြစ်များ

I. Je Than 17:18

Me haba momo ame ha kö Elia, ka habe, Aten Khong lö, ieû gak köu? u je o könya he ka oûnykûmi nya ge anyik hulö, me he ka hlingâ nokuk!

Salamo 119:101

Oge hia but behânâ li cak ge ta je gethen hia ae kong, Me inye he ka tuö hwâm hofuc.

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Ezekiela 29:16

Ke ame ca he hmetu ka hnân labageju kâu hnen lap anyi Isaraela, hnân oûnykûmeâ je hulo, ödra ka hwio kodra: ke adre me he ka wâ a inya Iehova.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 11:9

Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

Hosea 7:13

Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Amosa 5:22

Eke, öbun e ne hudo könya anyibun je hudiny leû me hudiny han, me oge me ca he bi nya ka kap: ke oge me ca he ka wâ anyibun je hudiny ûsoköu a halebun je meno ae pipikhenya.

Heberu 8:12

Anyin oge me he ka betenge baû ge hwakecidra ae kong, Ke oge me ca he hmetu bi nya ka ûnykûme anyidra ta je hulo.

I. Samuela 15:2

Walang hna ha hnö Iehova tuhan sabaoth, ka habe, Oge hia but bi haten hna ânyâ hnö Amaleka kö Isaraela, waleji e ame tot kâu eû hnyi gethen, e ka ölö e ûhenyʼ Aigupito.